(ویب ڈیسک) سوشل میڈیا پر مختلف قسم کی ویڈیوز وائرل ہوتی رہتی ہیں جن میں سے بعض ویڈیوز بہت ہی سنسنی خیز ہوتی ہیں،ایسی ہی ایک ویڈیو سوشل میڈیا پر  وائرل ہوئی ہے جسے دیکھ کر صارفین ششدر رہ گئے۔
 تفصیلات کے مطابق چیتا ایک خونخوار جانور ہے،اگر یہی جانور کسی کے گھر میں داخل ہو جائے تو یہ کوئی معمولی بات نہیں۔ایسا ہی ایک واقعہ بھارت میں پیش آیا جہا ں ایک چیتا  گیٹ پھلانگ کر گھرمیں گھسا اور بڑی ہی آسانی سے پالتوکتے کو منہ میں دبوچ کر چلتا بنا۔

بھارت میں پالتوکتا گھرکے اندربھی چیتے سے محفوظ نہ رہ سکا۔  ویڈیو میں دیکھا جاسکتا ہے کہ گھرکے گیٹ کے قریب موجود ایک کتا اچانک گھرکے اندرونی حصے کی طرف بھاگتا ہے،اسی دوران  ایک چیتا گیٹ پھلانگ کرآیا اورچند سیکنڈز بعد ہی کتے کومنہ میں دبوچ کر باہر نکل گیا۔ اس ویڈیو کو اب تک ہزاروں لوگ دیکھ چکے ہیں۔

See that leopard. Others don’t stand a chance. Via WA. pic.twitter.com/Ha3X9eBwWl

— Parveen Kaswan, IFS (@ParveenKaswan) December 24, 2021

 علاقے کے وائلڈ لائف حکام کے مطابق چیتوں کا پالتوکتوں کا شکار عام بات ہے۔ بعض لوگ اپنے کتوں کوچیتے کا نوالہ بننے سے بچانے کے لئے ان کے گلے میں لوہے کے پٹے ڈال کررکھتے ہیں۔