(سٹی 42) لاہور پولیس نے شہر میں موجود تمام چوکیوں کو ختم کرنے کا فیصلہ کرلیا۔
ذرائع کے مطابق چوکیاں ختم کرکے پولیس ریسپانس یونٹ، ڈولفن کا گشت بڑھایا جائے گا۔ پولیس چوکیوں کی تمام نفری کو تھانوں میں بھجوا یا جائے گا۔ڈی آئی جی آپریشنزکی بنائی گئی کمیٹی نے چوکیاں ختم کرنےکی تجویز دی ہے۔
دوسری جانب آئی جی پنجاب نے سانحہ ساہیوال میں قیمتی جانوں کے ضیاع کے بعد نیا حکم نامہ جاری کردیا جس میں ہدایت کی گئی ہے کہ پولیس اہلکار چھاپوں اور آپریشن کے دوران فائرنگ سے گریز کریں۔