(عمر اسلم) وفاقی وزیر ریلوے خواجہ سعدرفیق نے ٹویٹ میں کہا کہ مسلسل ستربرس جمہوریت پسندوں کوغداراورچورقراردے کر ملکی سالمیت کے لیے خطرہ قرار دیا گیا،ہر بارموقع ملنے پر عوام نے ووٹ انہی کو دیا، الیکشن ہوا تو اس بار بھی یہی ہوگا،ان کا کہنا تھا کہ پیارے منصفو اورمحتسبو،اب بس بھی کر دو خدا را پاکستان کو چلنے دو۔

مسلسل 70 برس جمہوریت پسندوں کو غدار اور چور قرار دیکر ملکی سالمیت کے لئے خطرہ قرار دیا گیا -

ھر بار موقع ملنے پر عوام نے ووٹ انھیں ھی دیا -
الیکشن ھوا تو اس بار بھی یہی ھو گا -
پیارے منصفو اور محتسبو ! اب بس بھی کر دو -خدارا پاکستان کو چلنے دو -

— Khawaja Saad Rafique (@KhSaad_Rafique) February 26, 2018

تفصیلات کے مطابق خواجہ سعدرفیق نےسماجی رابطے کی ویب سائٹ ٹویٹر پر اپنے پیغام میں کہا ہے کہ مسلم لیگ ن اور اس کی حکومتوں کی کردارکشی کی مذموم مہم خشوع وخضوع کےساتھ جاری ہے، سیاسی جماعتوں اورریاستی اداروں میں موجود منفی عناصر جمہوری نظام کو تباہ کرنا چاہتے ہیں ،انصاف اور احتساب کے اداروں کے غیرقانونی استعمال سے بے چینی اور انتشار پھیل رہا ہے۔

ملک کو جاھلوں سے نہیں پڑھے لکھے فاشسٹوں سے خطرہ ھے-

پرھیز گاری کا زعم اچھے خاصے لوگوں کو غیر متوازن کر دیتا ھے

— Khawaja Saad Rafique (@KhSaad_Rafique) February 26, 2018

خواجہ سعدرفیق کا کہنا تھا کہ ملک کو جاہلوں سے نہیں پڑھے لکھے فاشسٹوں سے خطرہ ہے، پرہیزگاری کا زعم اچھے خاصے لوگوں کو غیرمتوازن کر دیتا ہے۔