ویب ڈیسک: بھارتی کرکٹ ٹیم کے معروف سابق کپتان کپل دیو کو اغوا کرنے کی تہلکہ خیز ویڈؑیو سامنے آگئی۔ سابق بھارتی اوپنر گوتم گمبھیر نے کپل دیو کے اغوا سے متعلق مداحوں کو تشویش میں مبتلا کردیا۔

 گوتم کی جانب سے سوشل میڈیا اکاؤنٹ پر جاری ویڈیو میں دیکھا جاسکتا ہے کہ کچھ غنڈے لیجنڈری کپل دیو کو اغوا کرنے کی کوشش کر رہے ہیں۔ غنڈوں نے  کپل دیو کے ہاتھ  پیٹھ کے پیچھے باندھ رکھے ہیں اور منہ پر بھی پٹی باندھ رکھی ہے۔

Anyone else received this clip, too? Hope it’s not actually @therealkapildev ????and that Kapil Paaji is fine! pic.twitter.com/KsIV33Dbmp

— Gautam Gambhir (@GautamGambhir) September 25, 2023

ویڈیو کلپ میں دیکھا جاسکتا ہے کہ اغوا کار کپل دیو کو ایک گھر کے اندر لے جا رہے تھے۔ ورلڈ کپ جیتنے والے سابق کپتان واقعی بے بس حالت میں نظر آئے۔

 ویڈیو جاری کرتے ہوئے گوتم نے اپنی پوسٹ میں سوالیہ انداز اپنایا اور کہا کہ کیا کسی اور کو بھی ایسی ویڈیو موصول ہوئی ہے؟  ان کا مزید کہنا تھا کہ وہ پُرامید ہیں کہ یہ کپل دیو خود نہیں ہیں، اور وہ بخیر و عافیت ہوں گے۔

 واضح رہے کہ اس ویڈیو کی حقیقت کے حوالے سے ابھی کچھ کہنا قبل از وقت ہوگا لیکن کچھ سوشل میڈیا صارفین اسے تشہیری مہم کا حصہ قرار دے رہے ہیں جبکہ کچھ اپنی تشویش کا اظہار کرتے ہوئے کپل دیو کی خیریت دریافت کرنے میں مصروف ہوگئے ہیں۔