(سٹی42)لاہور بورڈ نے انٹرمیڈیٹ کےسپیشل امتحانات کے لئے تاریخ میں1ہفتہ کی توسیع کردی،انٹرمیڈیٹ سپیشل امتحان کا آغاز 27 نومبر سے ہوگا۔
تفصیلات کےمطابق بورڈ آف انٹرمیڈیٹ اینڈ سیکنڈری ایجوکیشن لاہور نے میٹرک کے امتحان میں فیل ہونے والے طلبہ کے سپیشل امتحانات کی تاریخ میں توسیع کردی، امیدوارسنگل فیس کے ساتھ یکم نومبر تک داخلہ جمع کرواسکتے ہیں،ڈبل فیس کے ساتھ 8 نومبر اور ٹرپل فیس کیساتھ 12 نومبر تک جمع کرواسکیں گے،انٹرمیڈیٹ سپیشل امتحان کا آغاز 27 نومبر سے ہوگا۔
واضح رہے کہ لاہور تعلیمی بورڈ نےمیٹر ک کے نتایج کا اعلان کیا تھا، امتحان میں 2لاکھ 92 ہزار 8 سو 36 طلبہ شریک ہوئے تھے، ان میں سے 2 لاکھ 88 ہزار چھ سو سترہ طلبہ کامیاب قرار پائے، صرف غیر حاضر طلبا کو فیل قرار دیا گیا۔
چیئر مین بورڈ لاہور کا کہناتھا کہ میٹرک امتحان میں کامیابی کا تناسب 98.92 فیصد رہا،60 ہزار 692 طلباء نے اے پلس گریڈ، 26 ہزار 228 طلباء اے گریڈ میں کامیاب بی گریڈ میں 31 ہزار 914 طلباء اور 44 ہزار 557 طلباء سی گریڈ میں کامیاب ہوئے۔
چیئرمین لاہور بورڈ ڈاکٹر مرزا حبیب علی کا کہنا تھا کہ سپیشل امتحان غیرحاضر اورنمبروں سےناخوش طلبہ دےسکیں گے۔