سٹی 42: سربراہ نیشنل کمانڈ اینڈ آپریشن سنٹر اسد عمر کا کہنا ہے کہ جولائی میں کورونا کی چوتھی لہر نمودار ہوسکتی ہے، ویکسین لگوانے اور ایس او پیز پر عملدرآمد کرنے کی درخواست کردی۔
سماجی رابطے کی ویب سائٹ ٹویٹر پر جاری پیغام میں وفاقی وزیر اسد عمر کا کہنا تھا کہ این سی او سی میں آج مصنوعی ذہانت پر مبنی بیماریوں کے ماڈلنگ تجزیے کا جائزہ لیا گیا، سخت ایس او پی پر عمل درآمد اور مستحکم ویکسی نیشن پروگرام کی عدم موجودگی سے جولائی میں پاکستان میں کورونا وائرس کی چوتھی لہر نمودار ہوسکتی ہے۔ انہوں نے عوام سے اپیل کرتے ہوئے کہا کہ مہربانی ایس او پیز پر عمل کریں اور جتنی جلدی ہوسکے ویکسی نیشن کروائیں.
Reviewed the artificial intelligence based disease modeling analysis today in NCOC . In the absence of strong SOP enforcement and continued strong vaccination program, the 4th wave could emerge in Pakistan in July. Please adhere to sop's and vaccinate as soon as possible.
— Asad Umar (@Asad_Umar) June 25, 2021
دوسری جانب کورونا وائرس کی شدت ہر گزرتے دن کے ساتھ دم توڑ رہی ہے۔ 24 گھنٹوں کے دوران کورونا کے 49 مریض سامنے آئے جبکہ 24 گھنٹوں کے دوران شہر میں مزید 2 اموات رپورٹ ہوئیں۔ ہسپتالوں میں مجموعی طور پر 223 افراد زیر علاج ہیں جن میں 96 کنفرم اور 133 مشتبہ افراد ہیں۔ سرکاری ہسپتالوں میں 196 اور نجی ہسپتالوں میں 27 افراد زیر علاج ہیں، تشویشناک مریضوں کی تعداد 59 ہے اور وینٹیلیٹرز پر زیر علاج ہیں اور مریضوں کی تعداد میں کمی سے ہسپتالوں کے آئی سی یوز میں 76 فیصد بیڈز خالی ہوگے ہیں۔