ویب ڈیسک: پاکستان کو چین سے 70کروڑ ڈالر کی رقم موصول ہوگئی۔ رقم پاکستان کو ری فنانسنگ کی مد میں فراہم کی گئی۔

ذرائع وزارت خزانہ کے مطابق چینی ترقیاتی بینک نے رقم اسٹیٹ بینک آف پاکستان کو منتقل کردی۔ اسٹیٹ بینک نے بھی چین سے70 کروڑ ڈالر ملنے کی تصدیق کر دی۔

خیال رہے کہ 22 فروری کو وزیر خزانہ اسحاق ڈار نے ٹوئٹر پر جاری بیان میں کہا تھا کہ چین کی جانب سے پاکستان کے لیے 70 کروڑ ڈالر کی فنانسنگ کی منظوری دی گئی ہے۔ رقم ملنے سے پاکستان کے زرمبادلہ ذخائرمیں اضافہ ہوگا۔

AlhamdoLilah!

Funds $ 700 million received today by State Bank of Pakistan from China Development Bank. https://t.co/7eLwWkSFgO

— Ishaq Dar (@MIshaqDar50) February 24, 2023

اس سے قبل گزشتہ روز مرکزی بینک سے جاری اعداد و شمار کے مطابق پاکستان کے زر مبادلہ ذخائر میں ایک ہفتے کےدوران مجموعی طور پر 62 ملین ڈالر کا اضافہ ہوگیا، جس کے بعد مجموعی ذخائر 8 ارب 72 کروڑ 65 لاکھ ڈالر ہوگئے۔