سٹی42: دبئی میں ایشیا کپ ٹی ٹوینٹی ٹورنامنٹ کے سپر فور راؤنڈ کا ایک اور سنسنی خیز میچ شروع ہونے جا رہا ہے۔ اس میچ کے نتیجہ پر پاکستان کے ایشیا کپ کا فائنل کھیلنے کا دارومدار ہے۔
آج شام دبئی کے انٹرنیشنل کرکٹ سٹیڈیم میں بنگلہ دیش اور بھارت سپر فور راؤنڈ کا میچ کھیل رہے ہیں۔
ٹاس
میچ کا ٹاس بنگلہ دیش نے جیتا اور کیپٹن جاکر علی نے ٹاس جیت لیا ہے۔ جاکر نے دبئی وکٹ کی ہسٹری کو لے کر انڈیا کو بیٹنگ دے دی ہے اور خود ٹارگٹ کو چیز کرنے کی آپشن چنی ہے۔ دبئی کی وکٹ پر اب تک ہوئے 7 میچوں مین سے پانچ میچ ٹارگٹ کو چیز کرنے والی ٹیم نے جیتے ہیں۔
انڈیا کی بیٹنگ
انڈیا کے ابھیشیک اور شبمن گِل نے اوپننگ کی ہے۔ دو اوورز مین انڈیا کے اوپنر 10 سکور کرنے مین ہی کامیاب ہوئے۔ تیسرے اوور کی پہلی بال پر بنگلہ دیش کے وکٹ کیپر کیپٹن ذاکر علی نےشبمن گل کا آسان کیچ چھوڑ دیا .
تیسرے اوور میں انڈین اوپنرز نے مجموعہ کو 17 تک پہنچایا اور چوتھے اووع کی پہلی دو گیندوں پر نسوم احمد کو شبمن گل نے ایک چوکا، ایک چھکا مار دیا۔ آخری بال پر ابھیشیک نے بھی نسوم کی بال پر چھکا ٹھوک دیا۔ اس اوور کے اختتام پر انڈیا کا سکور 38 رنز ہو گیا ہے۔
پانچ اوورز کے اختتام پر انڈیا کے اوپنرز نے 60 رنز بنا لئے۔ چھ اوورز میں انڈیا کا مجموعہ 72 رنز ہو گیا۔ رن ریٹ 12 ہو گیا۔
ابھیشیک 46 اور شبمن 29 رنز پر کھیل رہے ہیں۔۔
پاکستان کا کیا انٹریسٹ
اس میچ میں پاکستان کا انٹریسٹ یہ ہے کہ اگر بھارت یہ میچ جیتتا ہے تو پاکستان اپنے بنگلہ دیش کے ساتھ میچ میں بنگلہ ٹیم کو ہرا کر فائنل میں پہنچ سکتا ہے۔
اگر آج کا میچ بنگلہ دیش نے جیت لیا تو پاکستان کے لئے فائنل میں پہنچنے کا امکان مخدوش ہو سکتا ہے۔
کیونکہ پاکستان ایشیا کپ کے پوائنٹس ٹیبل پر سپر فور راؤنڈ میں نیٹ رن ریٹ کے ٹیبل پر اس وقت دوسری پوزیشن پر ہے اور بنگلہ دیش اس سے کچھ ہی پیچھے ہے۔ آج کا میچ جیت جانے کی صورت میں بنگلہ دیش کے دو میچ جیت کر 4 پوائنٹ ہو جائیں گے اور پاکستان کے اس وقت دو میچ کھیلنے کے بعد 2 پوائنٹ ہیں۔ آج کا میچ بنگلہ دیش جیت گیا تو اس کے بعد پاکستان بنگلہ دیش میچ میں پاکستان کے جیت جانے کے بعد بھی پوائنٹس ٹیبل پر پاکستان بنگلہ دہش برابر ہوں گے اور ان میں سے بہتر رن ریٹ والی ٹیم آگے جا سکے گی۔
بنگلہ دیش یہ میچ ہار گئے تو پاکستان کے لئے فائنل میں پہنچنے کے لئے صرف اتنا کرنا ہو گا کہ بنگلہ دیش سے میچ جیت جائے۔
