ویب ڈیسک :سندھ کے 14 اضلاع میں بلدیاتی ضمنی انتخابات کی 28 نشستوں پر پولنگ جاری ہے۔
ضمنی بلدیاتی انتخابات کیلئے پولنگ صبح 8 بجے سے شام 5 بجے تک بغیر کسی وقفے کے جاری رہے گی، کراچی کے 3 اضلاع کی 5 نشستوں پر ضمنی بلدیاتی الیکشن ہو رہے ہیں، ضلع غربی، شرقی اور کیماڑی بھی شامل ہے۔
ترجمان الیکشن کمشنر سندھ کا کہنا ہے کہ کل رجسٹرڈ ووٹرز کی تعداد 2 لاکھ 43 ہزار 187 ہے، جن میں ایک لاکھ 33 ہزار 38 مرد اور ایک لاکھ 10 ہزار 154 خواتین ووٹرز شامل ہیں، تمام اضلاع میں سکیورٹی کے سخت ترین انتظامات ہیں۔
صوبائی الیکشن کمشنر سندھ اعجاز انور چوہان کے مطابق ضمنی بلدیاتی انتخابات کی مانیٹرنگ کیلئے کنٹرول روم قائم کیا گیا ہے، کنٹرول روم نتائج کی وصولی تک فعال رہے گا۔