ویب ڈیسک: 24نیوز ایچ ڈی ٹی وی چینل کی رپورٹ کے مطابق سندھ حکومت نے بدھ کو کراچی میں الیکٹرک ٹیکسی سروس شروع کرنے کا اعلان کر دیا ہے۔
سندھ کے وزیر ٹرانسپورٹ شرجیل میمن کے مطابق ٹیکسی سروس نئے مالی سال میں شروع کردی جائے گی۔
انہوں نے کہا کہ کراچی میں الیکٹرک ٹیکسی سروس شروع ہونے سے نوجوانوں کو روزگار ملے گا۔
انہوں نے مزید کہا کہ پہلے مرحلے میں 150 ٹیکسیاں شروع کی جائیں گی۔
خواتین کے لیے علیحدہ گلابی ٹیکسیاں ہوں گی اور ان گلابی ٹیکسیوں کی ڈرائیور بھی خواتین ہوں گی۔مردوں کی ٹیکسیوں کے لیے سرخ رنگ تجویز کیا۔