سٹی 42: وزیر تعلیم شفقت محمود کی زیر صدارت بین الصوبائی وزرائے تعلیم کا اجلاس ۔رواں سال کسی کو پروموٹ نہ کرنے کا فیصلہ آ گیا۔
وزیر تعلیم شفقت محمود کی زیر صدارت بین الصوبائی وزرائے تعلیم اجلاس ہوا ہے اورحکومت نے رواں سال کسی کوبھی پروموٹ نہ کرنے کا فیصلہ کیا ہے۔ اجلا س میں فیصلہ کیا گیا کہ امتحانات تمام کلاسز کے ہر صورت ہوں گے، پہلے دسویں اور بارہویں جماعت کے امتحانات ہوں گے، دسویں اور بارہویں جماعت کے امتحانات جون کے تیسرے ہفتے میں لیے جائیں گے۔
رزلٹ تاخیر سے ہونے کی صورت میں جامعات پروویژنل سرٹیفکیٹ کی بنیاد پر داخلے دیں گی۔ حکومت کا ایس او پیز کے تحت ہر صورت امتحانات لینے کا فیصلہ ،موسم گرما کی تعطیلات کم ہوں گی، فیصلے صوبے کریں گے۔