سٹی42: نیٹو تنظیم کے سربراہ نے صدر ڈونلڈ ٹرمپ کے ایران پر حملوں کی حمایت اور تعریف کی۔ صدر ٹرمپ نے نیٹو سیکرٹری جنرل کی جانب سے بھیجا گیا ذاتی پیغام اپنے سوشل پلیت فارم پرپبلک سے شیئر کیا.
ڈونلڈ ٹرمپ نے’ٹروتھ سوشل‘ پر نیٹو کے سیکرٹری جنرل مارک رُٹے کا پیغام شیئر کیا۔ ’سگنل‘ میسجنگ ایپلیکیشن پر موصول ہونے والے اس پیغام میں مارک رُٹے نے ایران پر ٹرمپ کے ایرانی نیوکلئری سائٹس پر حملوں کی تعریف کیاور ٹرمپ کے فیصلہ کن حملوں پر ان کا شکریہ ادا کیا۔
مارک رٹے نے ٹرمپ کو مخاطب کرتے ہوئے کہا کہ ایران میں آپ کی فیصلہ کن کارروائی پر مبارکباد اور شکریہ، یہ واقعی غیر معمولی کام تھا جس کی کسی اور میں ہمت نہیں تھی۔
امریکی اخبار کے مطابق نیٹو نے تصدیق کی ہے کہ یہ پیغام اصلی ہے اور مارک رُٹے کی جانب سے ہی ٹرمپ کو بھیجا گیا تھا۔ سٹی42 نے کل مارک روٹے کے حوالے سے خبر میں بتایا تھا کہ انہوں نے صدر ٹرمپ کے ایران کے حملوں کی حمایت کی ہے۔ مارک روٹے نے کل صحافیوں کے سواولں کے جواب میں کہا تھا کہ ایران کے نیوکلیر سائٹس پر حملے غیر قانونی نہیں ہیں۔ ایران کو نیوکلئیر ہتھیار نہیں بنانا چاہئیں۔
نیٹو کے سربراہ مارک روٹے نے اپنے پیغام میں لکھا کہ یہ واقعی ایک غیر معمولی اقدام تھا، جو کوئی اور کرنے کی ہمت نہیں کر سکا۔ اس سے ہم سب کو مزید تحفظ ملا ہے۔
مارک روٹے نے ایک اور پیغام میں نیٹو اتحادیوں کے درمیان دفاعی اخراجات سے متعلق تاریخی معاہدے پر بھی ٹرمپ کی تعریف کی۔
نیٹو کے سربراہ نے اپنے خط میں ٹرمپ کو مخاطب کرتے ہوئے مزید لکھا کہ آپ اس شام دی ہیگ میں ایک اور بڑی کامیابی کی جانب پرواز کر رہے ہیں۔ یہ آسان نہیں تھا، لیکن ہم نے سب کو 5 فیصد پر آمادہ کر لیا۔
یہ اشارہ ٹرمپ کی اس دیرینہ مطالبے کی جانب تھا کہ نیٹو کے تمام رکن ممالک اپنے دفاعی اخراجات کو مجموعی قومی پیداوار (GDP) کے کم از کم 5 فیصد تک بڑھائیں۔
رپورٹ کے مطابق، نیٹو جلد ہی اس نئے عہد کا باضابطہ اعلان کرنے والا ہے، جس سے ٹرمپ کی دیرینہ پالیسی کو عملی شکل ملنے کے امکانات روشن ہوگئے ہیں۔
سٹی42: اسرائیل کی ایک نیوز آؤٹ لیٹ میں اس رپورٹ کے سامنے آنے کے چند گھنٹے بعد کہ وزیر اعظم بنجمن نیتن یاہو اور امریکی صدر ڈونلڈ ٹرمپ نے ایک وژن پر اتفاق کیا ہے جس کے تحت غزہ میں جنگ دو ہفتوں میں ختم ہو جائے گی اور عرب ریاستیں اسرائیل کے ساتھ امن معاہدوں پر دستخط کریں گی، وزیر اعظم نیتن یاہو نے ایک ویڈیو جاری کی جس میں زور دیا گیا کہ اسرائیل کے پاس اپنے نارملائزیشن معاہدوں کی "ڈرامائی توسیع" حاصل کرنے کا موقع ہے۔
نیتن یاہو نے اس ویدیو میں کہا ہے کہ ’’ہم ایران کے خلاف بہادری سے لڑے– اور ایک عظیم فتح حاصل کی۔ "یہ فتح امن معاہدوں کی ڈرامائی توسیع کا موقع فراہم کرتی ہے۔ ہم اس پر سخت محنت کر رہے ہیں۔"
نیتن یاہو نے کہا، "ہمارے یرغمالیوں کی رہائی اور حماس کی شکست کے ساتھ ساتھ،" "یہاں موقع کی ایک کھڑکی (وِنڈو آف اپرچونٹی)ہے جسے ضائع نہیں ہونا چاہیے۔ ایک دن بھی ضائع نہیں کیا جا سکتا۔"
نیتن یاہو کے حوالے سے پہلے اسرائیل ہیوم میں پبلش ہونے والی رپورٹ مین بتایا گیا تھا کہ وہ دو ہفتوں میں غزہ جنگ ختم ہونے کے نکتہ پر ٹرمپ سے متفق ہو گئے ہیں۔
اس کے چند گھنتے بعد بیان مین نیتن یاہو نے صرف ایک جملہ میں بتایا کہ وہ اب بھی "حماس کی شکست اور یرغمالیوں کی واپسی" کی ہی توقع کر رہے ہیں۔ اس ایک جملے سے یہ قیاس کیا جا سکتا ہے کہ وہ کسی مذاکراتی عمل کے ذریعہ حماس کے ساتھ سیز فائر کر کے غزہ جنگ دو ہفتوں میں بند ہونے کی بات شاید نہیں کر رہے۔
سٹی42: ایک اسرائیلی نیوز آؤٹ لیٹ کی طرف سے کہا جا رہا ہے کہ اسرائیل کے وزیراعظم نیتن یاہو نے غزہ کی جنگ دو ہفتوں کے اندر ختم کرنے پر رضامندی ظاہر کی ہے۔
اس ہفتے کے شروع میں ایران پر امریکی حملے کے بعد، وزیر اعظم بنجمن نیتن یاہو اور امریکی صدر ڈونلڈ ٹرمپ نے غزہ میں جنگ کے تیزی سے خاتمے اور "ابراہام معاہدے" کی توسیع پر اتفاق کیا ہے۔ یہ بات اسرائیلی نیوز آؤٹ لیٹ اسرائیل ہیوم نے "بات چیت سے واقف ذریعہ" کا حوالہ دیتے ہوئے رپورٹ کی ہے۔
آؤٹ لیٹ کے مطابق، ٹرمپ اور نیتن یاہو نے فون کال میں اس بات پر اتفاق کیا کہ غزہ میں جنگ دو ہفتوں میں ختم ہو جائے گی۔ متحدہ عرب امارات اور مصر سمیت چار عرب ریاستیں حماس کی جگہ غزہ کی پٹی پر مشترکہ طور پر حکومت کریں گی۔اس دہشت گرد گروپ کی قیادت کو جلاوطن کر دیا جائے گا، اور تمام یرغمالیوں کو رہا کر دیا جائے گا۔
تاہم، عرب اتحادیوں نے بار بار اس بات پر زور دیا ہے کہ وہ غزہ کی جنگ کے بعد کی بحالی میں اس وقت تک حصہ نہیں لیں گے جب تک کہ مستقبل کے دو ریاستی حل کی طرف پاتھ وے کے حصے کے طور پر، فلسطینی اتھارٹی کو غزہ میں قدم جمانے کے لیے اسرائیل کی رضامندی نہ مل جائے۔
صورتحال یہ ہے کہ نیتن یاہو نے غزہ کی پٹی میں فلسطینی اتھارٹی کے کسی بھی کردار کو صاف طور پر مسترد کر دیا ہے۔
مزید یہ کہ حماس کے رہنما بھی طویل عرصے سے جلاوطنی کے مطالبات کو مسترد کرتے چلے آ رہے ہیں۔
نیوز آؤٹ لیٹ اسرائیل ہیوم کا کہنا ہے کہ ٹرمپ اور نیتن یاہو پیر کی رات دیر گئے امریکی وزیر خارجہ مارکو روبیو اور اسرائیل کے اسٹریٹجک امور کے وزیر رون ڈرمر کی "خوشگوار" کال میں شامل ہوئے تھے۔
اسرائیل ہیوم کی رپورٹ میں کہا گیا ہے کہ غزہ کے جو باشندے ہجرت کرنا چاہتے ہیں انہیں کئی نامعلوم ممالک جذب کر لیں گے۔
سعودی عرب اور شام اسرائیل کے ساتھ سفارتی تعلقات قائم کریں گے اور دیگر عرب اور مسلم ممالک بھی اس کی پیروی کریں گے۔
اسرائیل، اپنی طرف سے، مستقبل کے دو ریاستی حل کے لیے اپنی حمایت کا اظہار کرے گا، جو فلسطینی اتھارٹی کی طرف سے کی جانے والی اصلاحات سے مشروط ہے۔ دریں اثنا، ان (امریکی اور اسرائیلی) رہنماؤں نے اتفاق کیا کہ واشنگٹن مغربی کنارے کے کچھ حصوں میں اسرائیل کی خودمختاری کو تسلیم کرے گا۔
اسرائیل ہیوم نے اس رپورٹ میں لکھا کہ یہ اہم منصوبہ منگل کو ایران کی جانب سے نوزائیدہ جنگ بندی کی خلاف ورزی پر اسرائیل کی منصوبہ بند انتقامی کارروائی پر ٹرمپ کے غصے کی وضاحت کر سکتا ہے، اور اس سے ہی تروتھ سوشل میں ٹرمپ کی اس پوسٹ کی بھی وضاحت ہوتی ہے جو نیتن یاہو کے بدعنوانی کے مقدمے کو ختم کرنے کا مطالبہ کرتی ہے۔
واضح رہے کہ نیتن یاہو پر مقدمہ اسرائیل کا نظامِ انصاف چلا رہا ہے اور اس کے کسی بیرونی دباؤ پر ختم ہو جانے کا دور دور تک کوئی امکان نہیں۔
سٹی42: ایران میں آج منگل کی صبح اسرائیل کی ائیرفورس نے مزید کچھ حملے کئے جن کے بعد بیلسٹک میزائل کے لانچروں کو تباہ کرنے کی فوٹیج سامنے آئی ہے۔ اسرائیلی فوج نے کہا کہ صبح کے وقت، اسرائیلی فضائیہ نے مغربی ایران میں آٹھ ایرانی بیلسٹک میزائل لانچروں کو نشانہ بنایا، یہ میزائل لانچر اسرائیل پر فوری طور پر فائر کرنے والے تھے۔ فوج نے حملوں کی فوٹیج جاری کر دی۔
فوج کے مطابق، فضائی حملوں نے ایک بڑے حملے کو ہونے سے پہلے ناکام بنا دیا۔ یہ واضح نہیں تھا کہ آیا یہ حملے آج صبح اسرائیل پر ایرانی میزائلوں کے (غالباً آخری) حملے سے پہلے ہوئے تھے یا جیسے ہی ایرانی حملہ ہوا اس کے بعد یہ ائیر سٹرائیکس ہوئیں۔
ٹرمپ کے ایران اسرائیل جنگ بندی کے اعلان کے بعد تہران اور یروشلم دونوں نے ابتدائی طور پر اشارہ کیا کہ وہ ایسا کرنے کا ارادہ رکھتے ہیں لیکن اس کے بعد دونوں ملکوں نے حملے کئے۔
ایران اور اسرائیل کے ایک دوسرے پر حملوں کے بعد ٹرمپ نے دونوں سے "ناراض" ہونے کا اعلان کیا تھا۔ اور کہا تھا انہین اسرائیل سے زیادہ شکایت ہے۔
ایران کے پریس ٹی وی نے کہا کہ جنگ بندی اسرائیل پر داغے گئے متعدد میزائلوں کے حملے کے خاتمے کے بعد عمل میں آئی۔
لیکن صبح 10:30 بجے ایک بار پھر اسرائیل پر میزائل فائر کیے جانے کے بعد وزیر دفاع اسرائیل کاٹز نے کہا کہ انہوں نے فوج کو تہران میں طاقت سے جواب دینے کی ہدایت کی ہے۔
ایرانی شہروں میں منگل کو صبح سویرے بھی اسرائیلی حملوں کا سلسلہ جاری تھا۔ اسرائیلی فضائیہ کے لڑاکا طیاروں نے رات بھر تہران میں درجنوں ایرانی فوجی اہداف کو نشانہ بنایا، 100 سے زیادہ مقامات پر گولہ بارود گرایا، IDF کے ترجمان بریگیڈیئر جنرل ایفی ڈیفرین نے منگل کی صبح ایک پریس کانفرنس میں کہاکہ حملوں میں ایک بار پھر ایرانی دارالحکومت میں "SPND جوہری منصوبے کے ہیڈ کوارٹر" اور ہتھیاروں کی تیاری کے مقامات کو نشانہ بنایا گیا۔
تمام مقاصد حاصل کر لئے
جنرل ڈیفرین نے یہ بھی کہا کہ "آئی ڈی ایف نے اپنے تمام مقاصد کو مکمل طور پر پورا کیا" جو اس نے جنگ سے پہلے طے کیے تھے۔ انہوں نے کہا کہ چیف آف اسٹاف نے آئی ڈی ایف کو ہائی الرٹ رہنے کی ہدایت کی ہے اور جنگ بندی کی کسی بھی خلاف ورزی پر بھرپور جواب دینے کے لیے تیار ہیں۔
ایرانی جوہری تنصیبات پر اتوار کے امریکی حملے اسرائیل کے وسیع حملے کے نو دن بعد آئے، جو 13 جون کو شروع ہوا، جس میں ایران کے اعلیٰ فوجی رہنماؤں، جوہری سائنسدانوں، یورینیم کی افزودگی کے مقامات اور ملک کے بیلسٹک میزائل پروگرام کو نشانہ بنایا گیا۔
اسرائیل نے کہا تھا کہ یہ مہم اسلامی جمہوریہ کو یہودی ریاست کو تباہ کرنے کے اعلان کردہ منصوبے کو عملی جامہ پہنانے سے روکنے کے لیے ضروری ہے۔
ایران، جو واضح طور پر اسرائیل کی تباہی کا خواہاں ہے، جوہری ہتھیاروں کے حصول کی کوششوں سے مسلسل انکار کرتا رہا ہے۔ تاہم، اس نے یورینیم کو اس سطح تک افزودہ کیا ہے جس کا کوئی پرامن استعمال نہیں ہے، بین الاقوامی معائنہ کاروں کو اس کی جوہری تنصیبات کی جانچ کرنے سے روکا ہے، اور اس کی بیلسٹک میزائل کی صلاحیتوں کو بڑھایا ہے۔ اسرائیل کا کہنا ہے کہ ایران نے حال ہی میں ہتھیار بنانے کی جانب قدم اٹھایا ہے۔
ایران نے اسرائیل کے حملوں کا جواب دیتے ہوئے اسرائیل پر 550 سے زیادہ بیلسٹک میزائل اور ایک ہزار کے قریب ڈرون داغے۔ صحت کے حکام اور ہسپتالوں کے مطابق، ایران کے میزائل حملوں میں اسرائیل میں 28 افراد ہلاک اور ہزاروں زخمی ہوئے ہیں۔ میزائلوں نے اپارٹمنٹ کی عمارتوں، ایک یونیورسٹی اور ایک ہسپتال کو نشانہ بنایا، جس سے بھاری نقصان ہوا۔ خود ایران کے اسرائیلی ائیر سٹرائیکس میں ساڑھے چھ سو سے زیادہ افراد مارے گئے جن میں اعلی ترین فوجی رہنما اور نیوکلئیر سائنسدانوں سے لے کر پاسداران اور بسیج کے عام کارکنوں تک اور بہت سے سویلین شہری بھی تھے جو زیادہ تر ٹارگٹ کئے گئے فوجی افسروں اور سائنسدانوں کے نشانہ بننے کے وقت بالکل قریبی عمارتوں میں موجود تھے۔
سٹی42: دنیا میں ایران اسرائیل جنگ بندی کے رسمی جشن کے بعد ایران کے اسرائیل پر میزائلوں کے حملے میں بیر شیبہ میں 4 افراد ہلاک ہو گئے۔
اس میزائل حملے میں دس روز کے دوران پہلی مرتبہ ایک فوجی کے مارے جانے کی تصدیق ہوئی جو ڈیوٹی پر نہیں تھے۔ اسرائیل نے اس حملے کے بعد ایران پر ائیر سٹرائیکس کیں۔ ایران نے میزائل حملے کے وجود کو تسلیم نہیں کیا لیکن بیر شیبہ میں میزائل کے امپیکٹ سے ہونے والے نقصان کی ہر تفصیل میڈیا میں آ گئی۔
ٹائمز آف اسرائیل نے منگل کی صبح ہی اپنی رپورٹ میں بتایا کہ ٹرمپ کی جانب سے صبح 7 بجے تک جنگ بندی کے اعلان سے پہلے چھ بیراجوں نے ملک بھر کے علاقوں کو نشانہ بنایا۔ میزائل جنوبی شہر میں رہائشی عمارت سے ٹکرا گیا، جس سے ہلاکتیں ہوئیں اور زخمی ہوئے۔
Captionسوشل میڈیا پر پوسٹ کی گئی فوٹیج میں 24 جون 2025 کو جنوبی اسرائیل کے شہر بیر شیبہ میں ایک اپارٹمنٹ کی عمارت پر ایرانی بیلسٹک میزائل حملے کا لمحہ دکھایا گیا ہے۔ ( یہ سکرین شوٹ کاپی رائٹ قانون کی شق 27a کے مطابق استعمال کیا گیا)
منگل کی صبح چار افراد ہلاک اور کم از کم 22 دیگر زخمی ہو گئے جب ایران نے امریکی صدر ڈونلڈ ٹرمپ کی طرف سے اعلان کردہ صبح 7 بجے کی جنگ بندی (اسرائیل کے وقت) کے مطلوبہ آغاز سے قبل آخری گھنٹوں میں اسرائیل پر یکے بعد دیگرے چھ میزائل داغے۔
اسرائیل اور ایران دونوں نے بعد میں کہا کہ انہوں نے جنگ بندی کو قبول کر لیا ہے۔ تاہم، صبح 10:30 بجے سے کچھ دیر پہلے، اسرائیل کی طرف سے ایک بار پھر میزائل داغے گئے، جس کے نتیجے میں یروشلم نے زبردست فوجی جواب دینے کا وعدہ کیا۔
میزائلوں نے بار بار ملک کے مرکز، شمال اور جنوب کو نشانہ بنایا، صبح 5 بجے کے بعد انتظامیہ نے سائرن بجائے اور لاکھوں اسرائیلیوں کو بم پناہ گاہوں میں بھیج دیا۔
صبح 5 بج کر 40 منٹ پر بیر شیبہ پر دو میزائل داغے گئے، جن میں سے ایک کو روک لیا گیا اور دوسرا جنوبی شہر کے ایک اپارٹمنٹ کمپلیکس کی چھٹی منزل سے ٹکرا گیا، جس سے عمارت کا کچھ حصہ گرنے سمیت وسیع پیمانے پر تباہی ہوئی۔
بم شیلٹر میں تین شہری جاں بحق
عمارت نسبتاً نئی تھی، اور گھروں کے اپنے مضبوط کمرے تھے۔ تاہم، ہوم فرنٹ کمانڈ کی ابتدائی تحقیقات کے مطابق، میزائل نے براہ راست دو محفوظ کمروں کو نشانہ بنایا، جس سے ان کے اندر موجود افراد ہلاک ہوگئے۔ تحقیقات میں پتا چلا ہے کہ دھماکے سے ایک بم محفوظ کمرہ تباہ ہو گیا تھا۔ ایک ہی خاندان کے تین افراد ایک محفوظ کمرے میں ہلاک ہوئے جبکہ چوتھا شخص دوسرے کمک میں مارا گیا۔
Captionاسرائیلی فوجی اور امدادی ٹیمیں 24 جون 2025 کو اسرائیل کے شہر بیر شیبہ میں ایرانی میزائل حملے سے تباہ ہونے والی رہائشی عمارتوں کے ملبے کے درمیان زندہ بچ جانے والوں کی تلاش کر رہی ہیں۔ (اے پی فوٹو/لیو کوریا)
رہائشی عمارتوں میں تقویت یافتہ کمروں کو بیلسٹک میزائلوں کے جھٹکے کو برقرار رکھنے کے لیے ڈیزائن کیا گیا ہے اور اس کے ساتھ ساتھ یہ شریپنل لگنے کو بھی سہار سکتے ہیں - حالانکہ آج ہونے والا حملہ بڑے دھماکہ خیز وار ہیڈ سے براہ راست حملہ نہیں ہے تب بھی بم شیلٹر مین نقصان ہوا۔ اسرائیل کے ہوم فرنٹ کمانڈ کا کہنا ہے کہ بیلسٹک میزائل حملوں کے دوران پناہ گاہیں اب بھی محفوظ ترین جگہ ہیں۔
اسرائیلی فضائیہ اس بات کی تحقیقات کر رہی تھی کہ میزائل کو فضائی دفاع کے ذریعے کیوں نہیں روکا گیا۔
میگن ڈیوڈ ایڈوم ایمرجنسی سروس نے ہلاک ہونے والوں میں سے تین کی شناخت 40 سال عمر کی دہائی میں ایک خاتون، 40 کی دہائی میں ایک مرد اور 20 کی دہائی میں ایک مرد کے طور پر کی۔ چوتھے کی تفصیلات فوری طور پر جاری نہیں کی گئیں بعد میں آئی ڈی ایف نے بتایا کہ یہ ایک فوجی تھا جو ڈیوٹی پر نہیں تھا بلکہ غالباً اس عمارت مین رہائش پذیر تھا۔
چار ہلاک ہونے کے علاوہ، ایم ڈی اے نے کہا کہ اس نے دو دیگر افراد کا علاج کیا جو اعتدال پسند حالت میں تھے اور 20 دیگر ہلکے سے زخمی ہوئے یا شدید پریشانی میں مبتلا تھے۔ ملبے کے نیچے سے تین افراد کو زندہ نکال لیا گیا۔
دیگر قریبی عمارتوں کو بھی نقصان پہنچا۔
Captionآج 24 جون 2025 کو اسرائیل کے شہر بیر شیبہ میں ایرانی میزائل سے نشانہ بننے والے اپارٹمنٹ بلاک کے ساتھ والی عمارت کو خالی کرتے ہوئے لوگ، جہاں کئی لوگ مارے گئے تھے۔
تباہ شدہ عمارت کے باہر جلی ہوئی کاروں کے گولے سڑکوں پر بکھر گئے۔ ٹوٹے ہوئے شیشے اور ملبے نے علاقے کو ڈھانپ لیا۔ سینکڑوں ایمرجنسی ورکرز اندر پھنسے کسی اور کو تلاش کرنے کے لیے جمع ہوئے۔
بیر شیبہ میں سوروکا میڈیکل سینٹر نے کہا کہ اسپتال میں 10 افراد کا علاج کیا جا رہا ہے، جن میں سے دو کی حالت معتدل ہے، باقی ہلکے سے زخمی ہیں۔
جمعرات کو ایرانی میزائل سے ہسپتال کو شدید نقصان پہنچا۔
اسرائیل کی دفاعی افواج کے جائزوں کے مطابق، منگل کی صبح چھ سالووس میں ایران کی طرف سے تقریباً 20 بیلسٹک میزائل داغے گئے۔ زیادہ تر میزائلوں کو فضائی دفاعی نظام کے ذریعے روکا گیا۔
طبی ماہرین نے بتایا کہ ملک کے شمال میں نوف ہاگلیل میں، ایک شخص شدید زخمی ہوا، جو بظاہر پناہ کی تلاش میں اپنے آپ کو زخمی کر رہا تھا۔ ایم ڈی اے نے اطلاع دی کہ اس شخص کے سر پر چوٹ آئی اور وہ بے ہوش پایا گیا۔
ایم ڈی اے نے کہا کہ اسے ان لوگوں کی کوئی دوسری رپورٹ موصول نہیں ہوئی جنہوں نے پناہ گاہوں میں بھاگتے ہوئے خود کو زخمی کیا تھا، جو حملوں کے دوران ایک عام واقعہ ہے۔
Caption سوروکا میڈیکل سینٹر ٹراما ٹیم 24 جون 2025 کو ایک زخمی فرد کی دیکھ بھال کر رہی ہے۔ (بشکریہ/سوروکا)
پہلا بیراج صبح 5 بجے کے قریب شروع ہوا، اور حتمی میزائل وارننگ صبح 7 بجے کے فوراً بعد پہنچی، حملوں کے درمیان، ملک بھر میں سائرن بار بار بجتے رہے، اور شہریوں کو بار بار بم پناہ گاہوں میں داخل ہونے کی ہدایت کی گئی۔
پہلے بیراج کو فائر کیے جانے کے تقریباً تین گھنٹے بعد، ہوم فرنٹ کمانڈ نے آخر کار کہا کہ لوگوں کو اب پناہ گاہوں کے قریب رہنے کی ضرورت نہیں ہے۔
سٹی42: اسرائیل ایران جنگ بندی کے بعد ایران کے نیوکلئیر پروگرام کے سربراہ محمد اسلمی نے کہا ہے کہ ایران اپنے نیوکلئیر پروگرام کو بھال کرے گا۔
میڈیا رپورٹس میں بتایا گیا کہ محمد اسلمی نے کہا کہ ایران نے جوہری تنصیبات کو نقصان پہنچنے کے لیے پیشگی تیاری کی تھی۔ انہوں نے کہا کہ ہم نقصانات کا تخمینہ لگا رہے ہین، اس کے بعد بحال کا کام شروع کریں گے۔
آج ایران اسرائیل جنگ بندی بطاہررو بہ عمل آ گئی لیکن اس کے بعد ایران نے اسرائیل پر میزائل حملے کئے اور اسرائیل نے ایران پر ائیر سٹرائیکس کیں جس سے جنگ بندی کو ابتدائی گھنٹوں مین ہی خطرہ لاحق ہو گیا۔ اس کے دوران ہی محمد اسلمی کا یہ بیان آیا ہے کہ ایران اپنے نیوکلئیر پروگرام کو بحال کرے گا۔
آئی اے ای اے کے سربراہ نے غیر یقینی جنگ بندی کا خیرمقدم کیا، تہران پر زور دیا کہ وہ سفارتی حل تلاش کرے ایران کے جوہری ادارہ کے سربراہ محمد اسلمی نے منگل کو کہا کہ ایران اسرائیل کی اس کے خلاف 12 روزہ شدیدحملوں کے بعد اپنی جوہری صنعت کو پہنچنے والے نقصان کا اندازہ لگا رہا ہے اور اس کی بحالی کے لیے انتظامات کیے گئے ہیں۔
ایران کی سرکاری خبر کے مطابق، اسلمی نے کہا، "ہمارا منصوبہ پیداوار اور خدمات کے عمل میں رکاوٹوں کو روکنا ہے،" انہوں نے کہا کہ تہران اپنے جوہری مراکز کو نقصان پہنچنے کے لیے پہلے ہی تیار تھا۔
ایران کے جوہری پروگرام کو 13 جون سے اسرائیل کی اولین بمباری میں شدید دھچکا لگا تھا لیکن ایران نے اس نقصان کو معمولی قرار دیا تھا۔ اس کے بعد اتوار کے روز صبح کے اوائل میں، جب امریکہ نے اسرائیل کی مہم میں شامل ہو کر ایران کی تین جوہری تنصیبات پر بڑے پیمانے پر بنکر بسٹر بم گرائے اور میزائل داغے تو اس کے بعد بھی ایران کی جانب سے دعویٰ کیا گیا کہ اس کی تنصیبات کو معمولی نقصان پہنچا ہے، خاص طور سے اس کا افزودہ یورینیم کا ذخیرہ محفوظ ہے۔
ایرانی نیوکلئیر ادارہ کی طرف سے یہ دعویٰ بھی کیا گیا کہ جن تین تنصیبات پر امریکی طیاروں اور میزائلوں نے حملے کئے ان کو "پہلے ہی خالی کر دیا گیا تھا "۔ اب تک کسی آزاد ذریعہ سے ایسے کوئی شواہد سامنے نہین آئے جو ہفتے اور اتوار کی درمیانی رات ایرانی وقت کے مطابق تین بجے کے بعد فردو، اصفہان اور نطنز کی نیوکلئیر تنصیبات پر امریکہ کے حملوں سے پہلے ان" تنصیبات کو خالی کرنے" کے دعوے کی تصدیق کرتے ہوں۔
اسرائیلی اور امریکی حملوں میں یورینیم کی افزودگی کے مقامات اور پروگرام سے منسلک مختلف تحقیقی اور ترقیاتی تنصیبات کو نشانہ بنایا گیا۔ واشنگٹن اور یروشلم نے زور دے کر کہا ہے کہ بم دھماکوں نے ایران کے جوہری عزائم کو کافی نقصان پہنچایا اور ملک کا نیوکلئیر پروگرام بہت پیچھے چلا گیا ہے۔
منگل کی صبح، امریکی صدر ڈونلڈ ٹرمپ نے حملوں کے بعد ایران اور اسرائیل کے درمیان جنگ بندی کا اعلان کرتے ہوئے دونوں فریقوں پر زور دیا کہ "اس کی خلاف ورزی نہ کریں۔" یہ فوری طور پر واضح نہیں ہو سکا کہ واشنگٹن اور یروشلم کس طرح فوجی کامیابیوں کو مستحکم کرنے اور ایران کو اس اعلان کے بعد اپنی جوہری کوششوں کو دوبارہ شروع کرنے سے روکنے کا ارادہ رکھتے ہیں۔
ایران اور اسرائیل دونوں ممالک نے اس کے اعلان کے بعد جنگ بندی کی توثیق کی، لیکن ان کے اعلان کے چند گھنٹے بعد ہی یہ جنگ بندی ٹوٹنے کے دہانے پر دکھائی دی، جب ایران نے شمالی اسرائیل کی طرف دو میزائل داغے۔ اسرائیل کے رہنماؤں نے جوابی کارروائی کچھ دیر بعد شروع کر دی۔
ایران کی ISNA نیوز ایجنسی نے زور دے کر کہا کہ جنگ بندی کے نافذ ہونے کے بعد ایران کی جانب سے میزائل فائر کرنے کی اطلاعات غلط ہیں۔
اقوام متحدہ کے جوہری نگراں ادارے کے سربراہ رافیل گروسی نے منگل کو کہا کہ انہوں نے ایران کے وزیر خارجہ عباس عراقچی کو خط لکھا ہے تاکہ جنگ بندی کے اعلان کے بعد ملاقات اور فوری تعاون کی تجویز پیش کی جائے۔
اس سے پہلے ایران نے اب تک ہونے والے نیوکلئیر تنصیبات کے نقصان کا جائزہ لینے کے لئے آئی اے ای اے کو کوئی سرگرمی کرنے کی اجازت نہیں دی تھی اور کہا تھا کہ جنگ بند ہوئے بغیر وہ آئی اے ای اے کو اپنی تنصیبات کے نقصان کا جائزہ لینے کی اجازت نہیں دے گا۔
Captionا نٹرنیشنل اٹامک انرجی ایجنسی (IAEA) کے ڈائریکٹر جنرل رافیل گروسی نے 23 جون 2025 کو ویانا، آسٹریا میں ایجنسی کے ہیڈ کوارٹر میں IAEA بورڈ آف گورنرز کا ایک غیر معمولی اجلاس کیا۔ (جو کلمار/اے ایف پی)
انٹرنیشنل اٹامک انرجی ایجنسی کے ڈائریکٹر جنرل گروسی نے ایکس پر لکھا ہے کہ ایران ایجنسی کے ساتھ دوبارہ تعاون شروع کرنے سے تہران کے جوہری پروگرام پر طویل عرصے سے جاری تنازع کا سفارتی حل نکل سکتا ہے۔
فرانس نے ٹرمپ کے جنگ بندی کے اعلان کا خیر مقدم کرتے ہوئے "دشمنی کے مکمل خاتمے" کا مطالبہ کیا۔
اس نے کہا، "تشدد کے نئے دور سے بچنا ہر کسی کے مفاد میں ہے، جس کے نتائج پورے خطے کے لیے تباہ کن ہوں گے۔"
فرانسی کے بیان میں کہا گیا کہ ایران کے پاس کبھی بھی جوہری ہتھیار نہیں ہونا چاہیے۔ "اس سلسلے میں، فرانس، ایران پر زور دیتا ہے کہ وہ فوری طور پر مذاکرات میں شامل ہو جس کے نتیجے میں ایک ایسا معاہدہ ہو جو اس کے جوہری اور بیلسٹک میزائل پروگرام اور اس کی عدم استحکام کی سرگرمیوں سے متعلق تمام خدشات کو دور کرے۔"
یہ بیان اس وقت سامنے آیا جب اسرائیل نے منگل کی صبح ہونے والے میزائل حملے کا بدلہ لینے کا وعدہ کیا تھا۔
اسرائیل کا مؤقف ہے کہ ایران کے اعلیٰ فوجی رہنماؤں، جوہری سائنسدانوں، یورینیم کی افزودگی کے مقامات اور بیلسٹک میزائل پروگرام پر اس کا بڑا حملہ اسلامی جمہوریہ کو یہودی ریاست کو تباہ کرنے کے اس کے واضح منصوبے کو عملی جامہ پہنانے سے روکنے کے لیے ضروری تھا۔ایران جوہری ہتھیاروں کے حصول کی کوششوں سے مسلسل انکار کرتا رہا ہے۔ تاہم، اس نے یورینیم کو اس سطح تک افزودہ کیا ہے جس کا بظاہر کوئی پرامن استعمال نہیں ہے، بین الاقوامی معائنہ کاروں کو ایران کی تمام نیوکلئیر تنصیبات کی جانچ کرنے س کے لئےدرکار مناسب رسئی کبھی حاصل نہیں رہی۔ ایران کی بیلسٹک میزائل کی صلاحیت مسلسل بڑھی اور آخر کا گزشتہ جمعہ کو اسرائیل کی "پری ایمپٹِو سٹرائیکس" اور اس کے بعد دو طرفہ جنگ تک نوبت پہنچی۔
ایران نے اسرائیل کے حملوں کا جواب دیتے ہوئے اسرائیل پر تقریباً 550 بیلسٹک میزائل اور ایک ہزار کے قریب ڈرون فائر کئے۔ صحت کے حکام اور ہسپتالوں کے مطابق، ایران کے میزائل حملوں میں اسرائیل میں آج جنگ بندی کے بعد ہونے والے جانی نقصان کو شامل کر کے 28 افراد ہلاک اور ہزاروں زخمی ہوئے ہیں۔
کچھ میزائل اپارٹمنٹ کی عمارتوں، ایک یونیورسٹی اور ایک ہسپتال کو مارے، جس سے بھاری نقصان ہوا۔ ایران کا جانی نقصات سات سو سے کچھ کم بتایا جاتا ہے جب کہ زخمی ہونےو الوں کی تعداد پانچ ہزار سے متجاوز بتائی جاتی ہے۔
سٹی42: ایرانی صدر مسعود پیزشکیان نے پاکستان کی مستقل اور اصولی حمایت پر وزیراعظم شہباز شریف کا شکریہ ادا کیا ہے۔ یہ بات ایوانِ وزیراعظم نے آج وزیراعظم شہباز شریف کے ایرانی صدر مسعود پزیشکیان کے ساتھ فون پر بات کرنے کے بعد میڈیا کو بتائی۔ وزیراعظم نےایرانی صدر سے ٹیلی فون پر گفتگو میں سلامتی کونسل سمیت تمام عالمی فورمز پر ایران کی حمایت کا اعادہ کیا۔
وزیراعظم ہاؤش کے مطابق ایرانی صدر نے مستقل حمایت کرنے پر پاکستان کا شکریہ ادا کیا۔
وزیر اعظم شہباز شریف اور مسعود پیزشکیان کی ٹیلیفون پر بات چیت میں مشرق وسطیٰ کی صورت حال اور جنگ بندی پر تبادلہ خیال کیا گیا۔
وزیراعظم نے کہا کہ پاکستان مشرق وسطیٰ میں تیزی سے ابھرتی ہوئی صورتحال پر مستقل طور پر نظر رکھے ہوئے ہے۔انہوں نے مذاکرات اور سفارت کاری کے ذریعے امن کی بحالی کی اہمیت پر زور دیا اور سلامتی کونسل اور او آئی سی سمیت تمام سفارتی فورمز پر ایران کے لیے پاکستان کی حمایت کا اعادہ کیا۔
وزیراعظم نے بین الاقوامی قانون اور اقوام متحدہ کے چارٹر کے اصولوں کی پاسداری پر زور دیا۔
پیزیشکیان نے پاکستان کی مستقل اور اصولی حمایت پر وزیراعظم کا شکریہ ادا کیا اور تنازع کے پرامن حل کو فروغ دینے میں پاکستان کے تعمیری کردار کا بھی اعتراف کیا۔
سٹی42: دنیا میں آج یہ قیاس آرائیاں کی جا رہی ہیں کہ ایران کی 60 فیصد افزودہ یورینیم کا چار سو آٹھ کلو گرام ذخیرہ کہاں گیا، اسرائیل کے وزیراعظم نیتن یاہو نے جنگ بندی سے بہت پہلے 22 جون کو ہی انکشاف کر دیا تھا کہ وہ جانتے ہیں ایران کی 400 کلو گرام سے زیادہ افزودہ یورینیم کا ذخیرہ کہاں رکھا ہے۔ نیتن یاہو نے کہا اس یورینیم کے بارے میں اسرائیل کے پاس ’دلچسپ انٹیلی جنس معلومات‘ ہیں۔
17 اپریل 2021 کو اسلامی جمہوریہ ایران براڈکاسٹنگ کمپنی کی طرف سے نشر کی گئی ایک ویڈیو کی تصویر میں، ایران کے شہر نتنز میں یورینیم افزودگی کی سہولت کے ایک ہال میں سینٹری فیوجز، ہال کو ایک پراسرار حملے میں نقصان پہنچنے کے چھ دن بعد۔ (آئی آر آئی بی بذریعہ اے پی)
اسرائیل کے پاس ایران کے 400 کلوگرام 60 فیصد افزودہ یورینیم کے ٹھکانے کے بارے میں "دلچسپ انٹیلی جنس" ہے، وزیر اعظم بنجمن نیتن یاہو نے پہلے سے ریکارڈ شدہ پریس کانفرنس میں کہا، لیکن اس کی تفصیل میں نہیں گئے۔ نیتن یاہو کی یہ انتہائی حساس نلتہ پر سٹیٹمنٹ جنگ بند ہونے کے رسمی اعلان سے ایک دن پہلے آئی تھی۔
نیتن یاہو نے بتایا کہ اسرائیل کو ایران کے خلاف "کارروائی" اس لئے کرنا پڑی کیونکہ تہران ستمبر 2024 میں حزب اللہ کے رہنما حسن نصر اللہ کی ہلاکت کے بعد جوہری ہتھیار بنانے کی طرف تیزی سے بڑھ رہا تھا۔
انہوں نے ایران کے ایک ماہ میں 300 بیلسٹک میزائل بنانے کے منصوبے کا بھی حوالہ دیا۔
نیتن یاہو نے اپنی تشویش امریکی صدر ڈونلڈ ٹرمپ کے ساتھ شیئر کی، وہ کہتے ہیں: "میں نے ان سے کہا کہ ہمیں کام کرنے کی ضرورت ہے، اور وہ اسے بخوبی سمجھتے ہیں۔ اور میں جانتا تھا کہ جب پش کیا جائے گا، تو وہ (ٹرمپ)صحیح کام کریں گے۔ وہ امریکہ کے لیے صحیح کام کریں گے۔ وہ تہذیب کے لیے صحیح کام کریں گے۔"
غزہ میں جنگ کا رخ کرتے ہوئے، وہ کہتے ہیں کہ "یہ کل ختم ہو سکتی ہے۔ یہ آج ختم ہو سکتی ہے اگر حماس ہتھیار ڈال دے، اپنے تمام ہتھیار ڈال دے، تمام یرغمالیوں کو رہا کر دے۔ یہ ایک لمحے میں ختم ہو گیا ہے۔"
"ہم سمجھتے ہیں کہ ہم غزہ کو ایک مختلف مستقبل دے سکتے ہیں،" وہ کہتے ہیں۔
نیتن یاہو نے اصرار کرتے ہوئے کہا کہ "میرے پاس ایک مستقل امن کا منصوبہ ہے،" ہم مسٹر وٹ کوف کی پیش کردہ تجویز پر ابھی بات چیت کے لیے تیار ہیں۔
ان کا کہنا ہے کہ ثالثوں کے ساتھ رابطے جاری ہیں اور اسرائیل حماس کو 60 روزہ جنگ بندی پر راضی کرنے کی کوشش کر رہا ہے جس کے دوران نصف مغویوں کو رہا کر دیا جائے۔
