گلبرگ ( سٹی42) ناموراداکارہ ہانیہ عامر پر اسپائڈر مین کے کردار کا ایسا بھوت سوار ہوا ہے کہ وہ خود بھی اسپائڈر مین بن گئیں۔

اسپائیڈرمین سیریز کی نئی فلم '' اسپائیڈرمین،نو وے ہوم ''جہاں باکس آفس پر نئے ریکارڈز قائم کر رہی ہے وہیں پاکستان میں بھی اس کے سحر نے کورونا کے باعث طویل عرصے سے بند سینما گھر کھلنے پر شائقین کو جکڑ لیا، ٹام ہالینڈ اور زینیڈیا کی یہ فلم  17 دسمبر 2021 کو اپنی ریلیزکے بعد سے دنیا بھر میں 600 ملین ڈالرز سے زائد کمانے کے بعد کورونا کے آغاز سے اب تک کی سب سے بڑی سینما ریلیز بن چکی ہے، عام شائقین کے علاوہ ہانیہ عامر اور کبریٰ خان سمیت دیگر شوبز ستارے بھی نئی فلم سے لطف اندوز ہونے کیلئے سینما گھروں کا رخ کر رہے ہیں۔

انسٹاگرام پر اس حوالے سے پوسٹ میں ہانیہ عامر نے اسپائیڈرمین کا ماسک پہنے تصویر شیئر کی جس میں وہ سینما کی بیرونی منڈیر پر پوز بنائے دیوار پر چڑھنے کا تاثر دے رہی ہیں، اداکارہ نے کیپشن میں بتایا کہ وہ یہ فلم دیکھنے کے لیے بہت زیادہ پرجوش تھیں۔