سعید احمد: لاہور سے دبئی ایئربلیو پرواز کے انجن میں آگ لگنے کا واقعہ، حادثے کی فائنل انویسٹی گیشن رپورٹ جاری، ایئربلیوکی پرواز 2 اگست 2022 میں لاہور سے دبئی کیلئےروانہ ہوئی تھی۔

پرواز میں 231 مسافر اور 8 کریو ممبر شامل تھے، ٹیک آف کے دوران ایئر ٹریفک کنٹرول آفیسر نے طیارے کے انجن میں آگ کے شعلے دیکھے۔ 

اے ٹی سی کی جانب سے طیارے کے کپتان سے رابطہ کیا گیا، کپتان نے طیارے کے تمام فنکشن کو معلوم کے مطابق کام کرتا پایا۔

رپورٹ میں بتایا گیا کہ پائلٹ نے احتیاطی تدابیر کے تحت طیارے کو دوبارہ لینڈنگ کی اجازت مانگی، واقعہ سے قبل طیارے کی لینڈنگ کے دوران انجن سے پرندہ ٹکرانے کا واقعہ پیش آیا تھا۔ 

لینڈنگ کے بعد انجن سے پرندہ ٹکرانے سے بظاہر کوئی نقصان نظر نہ آیا،گراؤنڈ سٹاف آپریٹر کی جانب سے برڈ اسٹرائیک کی مکمل چھان بین نہیں کی گئی۔ 

انجن کا سوئٹزرلینڈ میں ٹیئر ڈاؤن معائنہ کیا گیا، معائنے میں انجن کیساتھ پرندہ ٹکرانے کی وجوہات کھل کر سامنے آئیں۔