سٹی 42: نائب وزیراعظم اسحاق ڈار نے اپنے عراقی ہم منصب سے ٹیلی فون گفتگو کی ۔
ترجمان دفتر خارجہ کے مطابق دونوں راہنماؤں نے خطے میں جاری کشیدگی اور اس کے وسیع اثرات پر گہری تشویش ظاہر کی ۔نائب وزیراعظم نے تناؤ کم کرنے اور استحکام یقینی بنانے کے لیے اجتماعی اقدامات کی ضرورت پر زور دیا۔
فریقین نے امن، سلامتی اور استحکام کے لیے بات چیت اور بین الاقوامی قوانین کی پابندی ناگزیر قرار دی ۔دونوں راہنماؤں نے عید کے موقع پر ایک دوسرے کو مبارکباد بھی دی۔