(ویب ڈیسک)ہاتھی جسامت میں بہت بڑا اور وزنی ہوتا ہے جسے سنبھالنا بہت ہی مشکل کام ہے،بھارت میں ہاتھی کابھاری بھرکم بچہ گہرے گڑھے میں گر گیا جسے نکالنے کی ویڈیو سوشل میڈیا پر وائرل ہو رہی ہے۔
تفصیلات کے مطابق یہ واقعہ بھارتی ریاست مغربی بنگال کے جنگلات میں پیش آیا جہاں ہاتھی کا بچہ کئی فٹ گہری کھائی میں جا گرا،محکمہ جنگلات کے افسران نے بتایا کہ رات 4 بجے ہاتھی کے بچے کے کھائی میں گرنے کی اطلاع ملی۔
پہنچنے پر پتہ چلا کہ کھائی بہت گہری تھی ہاتھی کے بچے کو باہر نکالنا انتہائی مشکل نظر آ رہا تھا لیکن محکمہ جنگلات کے افسران نے ہمت نہیں ہاری اور گڑھے کو پانی سے بھر دیا۔
محکمہ جنگلات کے افسران جانتے تھے کہ ہاتھی بہترین تیراک ہوتے ہیں لہذا یہ تدبیر کام کر گئی اور گڑھے میں پانی بھرنے پر ہاتھی کا بچہ تیراکی کرتا رہا اور پانی کے ساتھ ساتھ اوپر آتا رہا جب پانی اور زمین کی سطح تقریباً برابر ہوئی تو افسران نے ہاتھی کے بچے کو رسیوں کی مدد سے باہر نکالنے میں کامیاب ہو گئے ۔
Another day, another pachyderm get into trouble on 21/02/2022 at 1am in #Medinipur, no issue @WbdfSocial #Forest dept. Dedicated to serve... few lessons of #swimming and learning about #buoyancy, the #Elephant was #rescued and guided safely into #FOREST by 4am. Thanks to all.. pic.twitter.com/ahQi0NgQgP
— sandeepberwal@IFS (@sandeepberwal) February 21, 2022
ہاتھی کو گڑھے سے باہر نکالنے کی ویڈیو وائرل ہونے پر صارفین اس ویڈیو کو بہت پسند کر رہے ہیں اور ہمت دکھانے پر اپنے کمنٹس میں محکمہ جنگلات کے افسران کو داد بھی دے رہے ہیں۔