ججز کی کمی، کرپشن کے سینکڑوں کیسز التوا کا شکار


شاہین عتیق(24نیوز) احتساب کی دو عدالتوں کورٹ نمبرایک اور کورٹ نمبر چار میں جج مقررنہ ہونے کی وجہ سے کرپشن کےسینکڑوں مقدمات التوا کا شکار ، نیب کے ملزمان کو جیل سےلاکر اگلی تاریخیں دی جا رہی ہیں ۔

یہ بھی لازمی پڑھیں:بولو لاہور 20نومبر 2018    

جوڈیشل کمپلیکس میں احتساب کی پانچ عدالتیں قائم ہیں جہاں پرنیب کی طرف سے بھجوائے کرپشن کے ریفرنسز کی سماعت کی جاتی ہے اور گرفتار ملزمان کے ریمانڈ دیئے جاتے ہیں .

یہ بھی پڑھیں: معمولی تلخ کلامی پر کھلاڑی کا بازو توڑ دیا

پانچ عدالتوں میں سےدو عدالتوں میں جج مقرر نہ ہونے کی وجہ سے یہ خالی پڑیں ہیں. کورٹ نمبر ایک میں تین ماہ سے جج نہیں جبکہ کورٹ نمبر چار میں جج کے تبادلے کے بعد کوئی متبادل جج مقرر نہ ہوسکا . سائلین کا کہنا ہے کہ ان کو سخت پریشانی کا سامنا کرنا پڑ رہا ہے ۔
ججزکی کمی کی وجہ سے جہاں سائلین کوپریشانی ہے وہیں وکلاء کوبھی مشکلات کاسامناہے۔انہوں نے خالی عدالتوں میں فوری طورپرجج مقررکرنے کامطالبہ کیاہے۔