ویب ڈیسک: سعودی وزارت داخلہ نے کار ڈرفٹنگ کرنے پر جرمانے کی انتہائی حد 10 لاکھ ریال تک بڑھادی۔
سعودی وزارت داخلہ کی جانب سے جاری کردہ مراسلہ میں کہا گیاہے کہ پہلی بار گرفتار ہونے والے کو 20 ہزار ریال کا جرمانہ کیا جاتا ہے دوسری بار گرفتاری پر جرمانہ 40 ہزار ریال جبکہ تیسری بار 60 ہزار اور چوتھی بار 10 لاکھ ریال جرمانہ عائد کیاجاتا ہےـ
سعودی نوجوان نسل میں سڑکوں پر خطرناک کار ڈرفٹنگ کے رجحان کی روک تھام کے لیے سخت قانون سازی کی گئی ہےـ ڈرفٹنگ کے دوران سنگین حادثات رونما ہو چکے ہیں جس میں متعدد نوجوان جاں بحق اور ان کے خاندان کی زندگیاں ہمیشہ کے لئے بد ل گئیں۔
I would love to put "go to saudia Arabia and do the Arabic Drift" in my bucket list. pic.twitter.com/pnnoKyl4UZ
— Jonathan ???????? (@papisason) February 10, 2018
ٹریفک قوانین کی دیگر خلاف ورزیوں میں گاڑی کی مقررہ گنجائش سے زائد افراد کو سوار کرنے پر 900 سے ایک ہزار ریال جرمانہ ہوتا ہے جبکہ نشے کی حالت میں ڈرائیونگ پر 5 ہزار سے 6 ہزار ریال تک کا چالان کیا جاتا ہےـ