سٹی42: ہیتھرو ایئرپورٹ آگ لگنے سے پورا دن بند رہا۔ یورپ کا مصروف ترین ائیرپورٹ پورا دن بند ہونے سے افراتفری پھیل گئی۔
لندن کا ہیتھرو ہوائی اڈہ جو کہ دنیا کے مصروف ترین ہوائی اڈوں میں سے ایک ہے، جمعہ کو پورے دن کے لیے بند کر دیا گیا جب اس کے ایک الیکٹریکل سب سٹیشن میں آگ لگ گئی۔ دو ٹرمینلز اور ہزاروں قریبی گھروں کو بجلی کی فراہمی رک چکی ہے اور آگ پر قابو پانا ابھی باقی ہے۔
"ہیتھرو، یورپ کا مصروف ترین ائیرپورٹ ہے۔ جمعہ کے روز یہاں 1,350 سے زیادہ پروازیں متاثر ہونے کا خیال ہے،" رچ پریسٹن لکھتے ہیں۔ "ہوائی اڈے کے قریب ہوٹل اور پب ائیرپورٹ کی بحالی کے متعلق خبروں کے لیے بے چین مسافروں سے بھرے پڑے ہیں۔"
آنے والے خوش قسمت ترین مسافروں کو قریبی گیٹوک ائیرپورٹ کی طرف موڑ دیا جا رہا ہے۔ لیکن زیادہ تر پیرس، فرینکفرٹ یا اس سے بھی دور جا کر جہازوں سے اتر پائیں گے۔ بہت سی پروازیں پورا دن ایندھن جلاتے ہوئے شمالی یورپ کا چکر لگانے کے بجائے وسط سفر میں ہی واپس مڑ تی رہیں۔
ہیتھرو ائیرپورٹ کی ناگہاں بندش پر انگلینڈ کے وزیر اعظم کے ترجمان نے کہا ہے کہ "جواب دینے کے لیے سوالات ہیں" کہ آگ نے ہیتھرو کو کیسے کام کرنے سے روک ڈالا۔
10 ڈاؤننگ سٹریٹ کا کہنا ہے کہ "ہم ان سوالات کے جوابات کی توقع کرتے ہیں" لیکن فی الوقت ترجیح آگ کو قابو میں لانا ہے، انہوں نے مزید کہا کہ اس بارے میں قیاس کرنا قبل از وقت ہے کہ آیا اس میں کوئی غلط کھیل شامل تھا۔
ٹین ڈاؤننگ سٹریٹ یہ نہیں کہہ سکتا کہ کیا اسے یقین ہے کہ منصوبہ کے مطابق ہوائی اڈہ آدھی رات کو دوبارہ کھل جائے گا، انہوں نے مزید کہا کہ وزیراعظم کو اپ ڈیٹ رکھا جا رہا ہے۔
اخراجات میں کمی کے حوالے سے ایک حیرت انگیز سبق: یورپ کے سب سے بڑے ہوائی اڈے میں بجلی کی سہولت فراہم کرنے کے لیے کافی بیک اپ پاور کی کمی تھی، یہ کمی معمول کے مطابق کام کرتے ہوئے محسوس نہین ہوتی تھی، بیک اپ تبھی کام کرتا ہے جب معمول کی سپلائی ناکام ہو۔ اس لیے جب ہیتھرو کو بجلی فراہم کرنے والا اکلوتا پوائنٹ ناکام ہوا تو پوری جگہ (ائیرپورٹ) کو بے تحاشا خرچ پر بند کرنا پڑا۔