عابد چوہدری: لاہور میں پولیس نے منشیات کی بڑی ترسیل ناکام بناتے ہوئے 2 منشیات ڈیلرز کو گرفتار کرلیا ہے۔

پولیس کے مطابق ایس ایچ او باٹا پور آصف منصب نے پولیس ٹیم کے ہمراہ کارروائی کارروائی کرتے ہوئے ڈیال گاؤں میں2 منشیات فروش ملزمان شعیب اور فہد  منشیات سمیت گرفتار کیے ہیں جبکہ دوران گرفتاری ملزمان نے مزاحمت کی جسکے نتیجے میں 3 اہلکار زخمی بھی ہوئے۔

پولیس حکام نے بتایا کہ گرفتار ملزمان سے 6 کلو 240 گرام آئس  اور1کلو سے زائد ہیروئن برآمد ہوئی جبکہ ملزمان کے خلاف  پولیس کی مدعیت میں مقدمہ درج کیا گیا ہے جس میں ملزمان شعیب، فہد، سبطین، عامر، گلفام وغیرہ کو نامزد کیا ہے۔