احمد منصور: انتہا پسند ہندوؤں نے نئی دہلی میں کینیڈین سفارت کاروں کو سنگین نتائج کی دھمکیاں دے دیں۔ اس واقعہ کے بعد کینیڈین ہائی کمیشن نے اپنے کارکنوں کے لئےتھریٹ الرٹ جاری کر دیا۔
نئی دہلی میں کینیڈین ہائی کمیشن نے بتایا ہے کہ کینیڈین سفارتکاروں کو سوشل میڈیا پر سنگین نتائج کی دھمکیاں دیں۔
کینیڈین ہائی کمیشن نے نریندر مودی حکومت سے مطالبہ کیا ہے کہ بھارتی حکومت ویانا کنونشن کے مطابق سفارتکاروں کی سیکورٹی یقینی بنائے۔
اس واقعہ کے تناظر میں کینیڈین حکومت نئی دہلی میں تعینات سفارتی عملہ میں اسٹاف کی کمی پر بھی غور کر رہی ہے۔
بعض تجزیہ نگاروں کا کہنا ہے کہ اگر نئی دہلی کی جانب سے کینیڈین حکومت اور سفارتکاروں کے حوالہ سے صورتحال یہی رہی تو کینیڈین حکومت جلد اپنے بھارتی سفارت خانے کو بند ہی کر دے گی۔
بین الاقوامی تعلقات کےماہرین کا کہنا ہے کہ بھارتی حکومت اختلافی آوازوں کو بند کرنے کے لیے اوچھے ہتھکنڈوں پر اتر آئی ہے۔ ماضی میں بھی مودی سرکار نے ایسے ہی ہتھکنڈے اختیار کر کے ایمنسٹی انٹرنیشنل کو بھارت چھوڑنے پر مجبور کر دیاتھا۔