( سٹی42) چیف آرگنائزر مسلم لیگ ن مریم نوازشریف نے کہا ہے کہ ’’آ جا تینوں اکھیاں اُڈیکدیاں‘‘، خوش آمدید نواز شریف‘ آج میری زندگی کا شاید سب سے بڑا دن ہے۔

 تفصیلات کے مطابق سماجی رابطے کی ویب سائٹ ایکس (سابق ٹوئٹر )پر مریم نواز کا کہنا تھا کہ میں اللہ ربّ العزت کی شکر گزار ہوں، جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو۔

میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شائد کسی اور کے حصے میں…

— Maryam Nawaz Sharif (@MaryamNSharif) October 21, 2023

 انہوں نے کہا کہ والد کے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شاید کسی اور کے حصے میں نہ آئے ہوں، پاکستان آج نواز شریف کا ایک اور عروج دیکھنے جا رہا ہے، انشاءاللہ !۔

 دوسری جانب   مریم نواز نے جاتی امرا میں والدہ سمیت دیگر بزرگوں کی قبر پر حاضری دی اور پھول رکھے۔

پاکستان مسلم لیگ (ن) کی سینئر نائب صدر اور چیف آرگنائزر مریم نوازشریف نے نواز شریف کی وطن واپسی پر جاتی امرا میں دادا، دادی، والدہ اور خاندان کے دیگر افراد کی قبروں پرحاضری دی، پھول رکھے اور فاتحہ خوانی کی۔