جنید ریاض: لاہور میں سکول نہیں کھلیں گے، سکول ایجوکیشن ڈیپارٹمنٹ نے 16 اضلاع میں چار روز پچاس فیصد حاضری کے تحت کھلیں گے، پالیسی کے تحت طلباء کو ہفتہ میں صرف دو روز سکول آنے کی اجازت ہوگی۔
سکول ایجوکیشن ڈیپارٹمنٹ پنجاب نے کورونا کیسسز کی شرح پانچ فیصد سے کم ہونے والے سولہ اضلاع میں 24 مئی سے تعلیمی ادارے 4 روز کھولنے کا نوٹیفکیشن جاری کردیا ہے۔ مذکورہ اضلاع میں جھنگ، چنیوٹ، بہاولپور، چکوال، حافظ آباد،جہلم، منڈی بہاوالدین، ناروال، ننکانہ صاحب ، ساہیوال، چکوال، پاکپتن، قصور ، شیخوپورہ اور سیالکوٹ شامل ہیں۔
لاہور میں کورونا کی شرح زیادہ ہونے کے باعث تعلیمی ادارے کھولنے کا فیصلہ بعد میں کیا جائے گا۔ مذکورہ اضلاع میں طلباء ہفتہ میں دو روز پچاس فیصد حاضری کے تحت آئیں گے۔تعلیمی اداروں میں کورونا ایس او پیز کا سو فیصد خیال لازمی رکھا جائے گا۔ لاہور میں کورونا کی شرح زیادہ ہونے کے باعث تعلیمی ادارے کھولنے کا فیصلہ 3 جون کو این سی او سی کے اجلاس میں کیا جائے گا۔
NOTIFICATION:
— Murad Raas (@DrMuradPTI) May 21, 2021
Public & Private Schools of Punjab in the following Districts will open for 4 days a week. Schools will be allowed to call students on alternate days with 50% attendance starting Monday May 24, 2021. Remaining Districts to be decided in next meeting. Follow SOPs. pic.twitter.com/nyKTaK5T0U
واضح رہے کہ قبل ازیں صوبائی وزیرتعلیم مراد راس نے سکولوں کی بندش یا کھولنے سے متعلق 24گھنٹے اہم قراردیدیئے تھے۔صوبائی وزیر تعلیم مرادراس نے اپنے ٹویٹر پیغام میں کہا تھا کہ 24گھنٹوں میں سکول کھولنے کا یا نہ کھولنے کا حتمی فیصلہ کرلیا جائےگا،عوام کورونا ایس او پیز پر عملدرآمد یقینی بنائیں۔