(ویب ڈیسک)کورونا ایس اوپیز پر عملدرآمد کے معاملے پر سول ایوی ایشن اتھارٹی کی جانب سے ایک نیا حکم جاری،کورونا سے شدید متاثر ملکوں سے مسافروں کے پاکستان آنے پرپابندی عائد، ،حکمنامے کا اطلاق 23 مارچ سے 5 اپریل تک ہو گا۔
تفصیلات کے مطابق کورونا ایس اوپیز پر عملدرآمد کے معاملے پر سول ایوی ایشن اتھارٹی کی جانب سے ایک نیا حکم نامہ جاری کر دیا ہے، شدید متاثر ہ ملکوں سے مسافروں کے پاکستان آنے پرپابندی عائد کر دی گئی ہے جس کا اطلاق 23 مارچ سے 5 اپریل تک ہو گا۔ 
سول ایوی ایشن اتھارٹی کی جانب سے جاری حکم نامے کے مطابق کیٹیگری سی میں شامل ملکوں ( جن میں برازیل، کولمبیا، پیرو، گانا، تنزانیہ اور زمبیا سمیت دیگر شامل ہیں) کے مسافروں پر پاکستان کے سفر پر پابندی ہو گی۔حکم نامے میں کہا گیا ہے کہ کیٹیگری اے میں شامل 20 ملکوں کو کورونا ٹیسٹ سے استثنیٰ ہوگا، کیٹیگری اے میں آسٹریلیا، بھوٹان، چین، میانمار، نیوزی لینڈ، سنگاپور، سعودی عرب اور جنوبی کوریا سمیت دیگر ممالک شامل ہیں۔ 
اعلامیے کے مطابق کیٹیگری بی میں شامل ملکوں کے مسافروں کے لیے پاکستان آنے سے 72 گھنٹے قبل کورونا ٹیسٹ لازمی قرار دیا گیا ہے۔سول ایوی ایشن کے حکم نامے میں کہا گیا ہے کہ برطانیہ کو کیٹیگری سی سے نکال کر کیٹیگری بی میں شامل کر دیا گیا ہے جبکہ اس فہرست میں دیگر ممالک اب بھی شامل ہیں۔
 واضح رہے کہنیشنل کمانڈ اینڈ آپریشن کی جانب سے کورونا کے تازہ اعدادو شمار جاری کر دیئے گئے ہیں، گزشتہ 24 گھنٹوں میں پاکستان میں کورونا سے 44 افراد جاں بحق ہوگئے ہیں جبکہ ایک روز میں 3 ہزار 667 افراد میں کورونا کی تشخیص