لارڈ میئر سے لیگی رہنماؤں کی ملاقات

لارڈ میئر سے لیگی رہنماؤں کی ملاقات
Stay tunned with 24 News HD Android App
Get it on Google Play

( راؤ دلشاد ) لارڈ میئر لاہور کرنل ریٹائرڈ مبشر جاوید سے ملک سیف الملوک کھوکھر اور خواجہ عمران نذیر کی ملاقات، پی پی 165 اور پی پی 144 کی یونین کونسلزمیں درپیش مسائل پر تبادلہ خیال کیا گیا۔

ملاقات کے موقع پر ملک سیف الملوک کھوکھر نے کہا کہ پی پی 165 کی یونین کونسلز دیہی علاقوں پر مشتمل ہیں، دیہی علاقوں کی رابطہ سڑکوں اور سٹریٹ لائٹس کی تنصیب کے لیے اقدامات کیےجائیں، خواجہ عمران نذیر کا کہنا تھا کہ پی پی 144 میں بھی سڑکوں کی بحالی اور سٹریٹ لائٹس کی کمی ایک بڑا مسئلہ ہے۔

لارڈ میئر لاہور نے پی پی 165 اور پی پی 164 کی یونین کونسلز میں سڑکوں کی بحالی اور سٹریٹ لائٹس کی تنصیب کی یقین دہانی کرائی، انکا کہنا تھا کہ میٹروپولیٹن کارپوریشن کو پنجاب حکومت کی جانب سے ترقیاتی سکیموں پرغیر تحریری پابندی کا سامناہے۔

ترقیاتی سکیموں کی عدم منظوری سے مفاد عامہ کے مسائل بڑھ رہے ہیں، اس موقع پر ڈسٹرکٹ ممبر عفت نعیم اور دیگر بھی موجود تھے۔