علی اکبر: جہانگیر ترین گروپ سرگرم۔ رابطے تیز ۔مزید ناراض ارکان کی شمولیت کا فیصلہ، آئندہ کچھ روز میں جہانگیر ترین گروپ شو آف پاور کرے گا۔
رپورٹ کے مطابق جہانگیر ترین گروپ میں حکومت سے ناراض مزید اراکین کو شامل کرنے کا فیصلہ کیا گیا ہے دوسری طرف پی ٹی آئی ہم خیال گروپ کے ساتھ بھی روابط میں تیزی آگئی ہے ۔
یادرہے ہم خیال گروپ کے اراکین وزیراعلی کی جانب سے وعدے پورے نا ہونے پر نالاں ہیں۔ ذرائع کا کہنا ہے کہ ناراض اراکین کی شمولیت کے بعد جہانگیر ترین گروپ آئندہ چند روز میں پاور شو بھی کرے گا۔
اپوزیشن کی جانب سے تحریک عدم اعتماد کے اعلان کے بعد موسم کے ساتھ ساتھ ملکی سیاسی درجہ حرارت میں بھی اضافہ ہوا ہے ۔ رابطے ملاقاتیں اور بیٹھکیں جاری ہیں۔ اونٹ کس کروٹ بیٹھے گا آئندہ کچھ روز میں واضح ہوجائے گا۔