ہتک عزت کا مقدمہ، میشا شفیع نے علی ظفر کو جواب بھجوا دیا

ہتک عزت کا مقدمہ، میشا شفیع نے علی ظفر کو جواب بھجوا دیا


(زین مدنی ) گلوکارہ اور ماڈل میشا شفیع نے گلوکار اداکار علی ظفر کی جانب سے اپنے خلاف ہتکِ عزت کے مقدمے میں جواب بھجوا دیا جس میں میشا شفیع نے علی ظفر کے الزامات کو مسترد کیا۔

یہ بھی لازمی پڑھیں:نیوز بلیٹن 3بجے 14 نومبر2018  

 میشا شفیع کے وکیل نے جواب میں کہا ہے کہ میشا شفیع کے الزامات حقیقت پر مبنی تھے، اس لیے یہ میشا شفیع کا حق تھا کہ وہ علی ظفر کے خلاف شکایت جمع کراتیں۔ ہم میشا شفیع کے الزامات کو ثبوت کے ساتھ ثابت کریں گے۔

 وکیل نے کہا کہ انہوں نے جواب کے ساتھ کئی خواتین کی گواہیاں بھی منسلک کی ہیں۔ جنہوں نے علی ظفر پر جنسی بدسلوکی کا الزام لگایا ہے۔

دوسری طرف علی ظفرکے وکیل نے کہا ہے کہ عدالت کئی ماہ سے میشا شفیع سے جواب مانگ رہی تھی، ہر بار خاتون ہی شکار نہیں ہوتی۔ کچھ افراد ایسے بھی ہیں جو می ٹو تحریک کا غلط استعمال کر رہے ہیں۔

امید ہے کہ میشا شفیع کی قانونی ٹیم ٹوئیٹر کے بجائے عدالتوں پر انحصار کرے گی۔