سٹی 42 : پاکستان نے کوالالمپور میں کھیلے جانے والے نیشنز کپ ہاکی ٹورنامنٹ کے سیمی فائنل میں فرانس کو پنالٹی سٹروکس کے راؤنڈ میں شکست دے کر فائنل کے لیے کوالیفائی کر لیا ہے۔
دونوں ٹیموں کے درمیان مقررہ وقت میں میچ برابر رہنے کے بعد فیصلہ پنالٹی شوٹ آوٹس پر ہوا جس کے دوران فرانس نے دو گول ضائع کر دیئے۔ پاکستان کے حنان شاہد نے فیصلہ کن گول کیا ۔
پاکستان کے گول کیپر منیب الرحمن نے شاندار کارکردگی کا مظاہرہ کرتے ہوئے آخری پلنٹی شوٹ روک کر پاکستان کو فائنل میں پہنچا دیا۔
سٹی 42 : صدر مملکت آصف علی زرداری، وزیراعظم شہباز شریف اور وزیر داخلہ محسن نقوی کے بعد پنجاب کی وزیراعلی مریم نواز نے بھی قومی ہاکی ٹیم کو ایف آئی ایچ نیشنز کپ کے فائنل میں پہنچنے پر مبارکباد دی ہے۔
وزیراعلی مریم نواز نے ایف آئی ایچ نیشنز کپ کے فائنل میں پہنچنے پر پاکستانی ہاکی ٹیم کو مبارکباد پیش کی۔ مریم نواز نے فرانس کیخلاف سیمی فائنل میں فتح پر مسرت کا اظہار کیا۔
وزیراعلی مریم نواز نے ہاکی ٹیم کے کپتان عماد بٹ اور کھلاڑیوں کے شاندار کھیل کو بھی سراہا ۔
June 06, 2026
June 06, 2026
سٹی 42 : وزیراعظم شہباز شریف نے فیڈریشن انٹرنیشنل دی ہاکی (ایف آئی ایچ) نیشنز کپ کے سیمی فائنل میچ میں فرانس کے خلاف فتح پر پاکستانی ہاکی ٹیم کو خراجِ تحسین پیش کیا ہے۔
وزیراعظم نے پاکستان ہاکی ٹیم کے کھلاڑیوں اور ٹیم مینجمنٹ کی پزیرائی کی، ساتھ ہی پاکستان ہاکی ٹیم کی ایف آئی ایج نیشنز کپ کے فائنل میں رسائی پر پوری قوم کو بھی مبارکباد دی۔ شہباز شریف نے کہا کہ قومی ہاکی ٹیم نے پورے ٹورنامنٹ کے دوران شاندار کھیل کا مظاہرہ کیا، قومی ٹیم نے پوری قوم کا سر فخر سے بلند کیا اور دل جیت لئے ۔
وزیراعظم نے کہاکہ میری دعا ہے کہ پاکستانی ہاکی ٹیم فائنل میچ میں بھی فتح کے جھنڈے گاڑے۔ انہوں نے کہا کہ امید ہے کہ جلد ہی ہم ہاکی کے میدان میں اپنا کھویا ہوا مقام دوبارہ حاصل کریں گے۔
سٹی 42 : صدر مملکت آصف علی زرداری کی جانب سے پاکستان کی فرانس کے خلاف ہاکی سیمی فائنل میں شاندار فتح پر قومی ہاکی ٹیم کو دلی مبارکباد پیش کی گئی ۔
پاکستان کی ایف آئی ایچ نیشنز کپ کوالالمپور کے سیمی فائنل میں فرانس کے خلاف شاندار فتح پر صدر مملکت نے بیان جاری کیا، کہا کہ کھلاڑیوں کی اعلیٰ کارکردگی، جذبے اور ٹیم ورک کو خراج تحسین پیش کرتا ہوں۔ انہوں نے کہا کہ قومی ٹیم نے بین الاقوامی سطح پر پاکستان کا وقار بلند کیا، یہ فتح قوم کے لیے فخر اور خوشی کا باعث ہے۔
انہوں نے کہا کہ ہاکی ٹیم کی صلاحیت، عزم اور محنت قابلِ تحسین ہے، مجھے یقین ہے کہ ٹیم فائنل میں بھی اسی جذبے سے کامیابی حاصل کرے گی۔
June 06, 2026
June 06, 2026
سٹی 42 : پاکستان کرکٹ بورڈ کے چئیرمین محسن نقوی نے ایف آئی ایچ نیشنز کپ کا سیمی فائنل جیتنے پر پاکستانی ہاکی ٹیم کو مبارکباد دی ہے۔
چئیرمین پی سی بی محسن نقوی نے کہا کہ پاکستانی کھلاڑیوں نے ٹیم ورک کے ذریعے فرانس کو ہرا کر فائنل کے لیے جگہ بنائی، ہاکی پلئیرز کی شاندار کارکردگی قابل تحسین ہے۔ انہوں نے کہا کہ میدان میں تمام کھلاڑیوں نے بہترین کھیل پیش کیا، کھلاڑیوں کے ساتھ مینجمنٹ کو مبارکباد دیتا ہوں۔
محسن نقوی نے کہا کہ پاکستان کے لئے کھیل کے ساتھ ہر میدان میں خوشخبریاں آرہی ہیں۔ امید ہے کہ پاکستانی ہاکی ٹیم فائنل میں بھی فتح حاصل کرے گی اور ٹورنامنٹ جیت کر وطن واپس آئے گی۔
20 Jun, 2025
20 Jun, 2025
20 Jun, 2025
20 Jun, 2025