شاہد سپرا:لاہور الیکٹرک سپلائی کمپنی (لیسکو) نے سرکاری ڈاک خانوں میں بجلی کے بلوں کی وصولی پر پابندی عائد کر دی ہے۔
حکام کے مطابق یکم اپریل سے پوسٹ آفس میں بجلی کے بل جمع کروانے کی سہولت ختم کر دی جائے گی۔
لیسکو حکام کا کہنا ہے کہ صارفین بروقت ادائیگی کے لیے بل پر درج کیو آر کوڈ، بینکوں اور دیگر مجاز ذرائع سے استفادہ کریں۔ ان کا مؤقف ہے کہ متبادل ادائیگی ذرائع اپنانے سے صارفین کسی بھی قسم کی پریشانی سے بچ سکتے ہیں اور بلوں کی ادائیگی کا عمل مزید آسان اور تیز ہو جائے گا۔
حکام نے صارفین کو ہدایت کی ہے کہ مقررہ تاریخ سے قبل اپنے ادائیگی کے طریقہ کار کو اپ ڈیٹ کر لیں تاکہ بل جمع کروانے میں کسی دشواری کا سامنا نہ کرنا پڑے۔