ویب ڈیسک: متحدہ عرب امارات نے سینما فلم سنسرشپ ختم کرنے کا اعلان کردیا۔ تاہم صرف بالغوں کے لئے فلم کیٹگری دیکھنے کیلئےعمر کی حد 21 سال اور اس سے زیادہ عمر کی حد مقرر کی گئی ہے۔
متحدہ عرب امارات گذشتہ ایک سال سے لبرل پالیسیوں کو مسلسل فروغ دے رہا ہے۔ ان میں غیر شادی شدہ جوڑوں کے ساتھ رہنے پر پابندی ہٹانا، شراب پر پابندیوں میں نرمی اور طویل مدتی رہائش کی پیشکش شامل تھی۔
اس سے پہلے بالغوں کے مواد والی فلموں کو معمول کے مطابق ایڈٹ کیا جاتا تھا تاہم اب یہ سنسر شپ ختم کردی گئی ہے۔ ملک کے میڈیا ریگولیٹری آفس نے ٹویٹر پر کہا کہ اس نے اپنے موشن پکچر مواد کی درجہ بندی کے نظام میں 21+ عمر کا زمرہ متعارف کرایا ہے۔
The Media Regulatory Office announced the inscribed of the 21+ for the age classification categories for cinema films.#UAE_BARQ_EN pic.twitter.com/5PxkDHCsDl
— UAE BARQ (@UAE_BARQ_EN) December 19, 2021
اس درجہ بندی کے مطابق فلموں کے بین الاقوامی ورژن کو سنیما گھروں میں دکھایا جائے گا، جس میں سامعین کے داخلے کیلئےعمر 21 سال مقرر کی گئی ہے۔