شہزاد خان ابدالی:ایکسپو سنٹر میں دوروزہ پاکستان پیپر اینڈ سٹیشنری نمائش کا اہتمام کیا گیا، صدر لاہور چیمبر ملک طاہر جاوید نے نمائش کا افتتاح کر دیا۔ کراچی اور لاہور سمیت مختلف شہروں سے معروف کاروباری شخصیات نے شرکت کی۔
بی ٹو بی میڈیا کے زیر اہتمام ایکسپو سنٹر میں پیپر اینڈ سٹیشنری سیکٹر کی پہلی نمائش کا اہتمام کیا گیا۔ ایوان صنعت وتجارت کے صدر ملک طاہر جاوید نے نمائش کا افتتاح کیا، افتتاحی تقریب میں منتظم نمائش معظم رشید کراچی پیپر انڈسٹری کے معروف رہنما سلیم میمن، باؤ محمد بشیر، خامس سعید بٹ اورمعظم رشید سمیت دیگر شریک ہوئے، صدر لاہور چیمبر ملک طاہر جاوید نے بزنس کمیونٹی کے ہمراہ نمائش میں لگے سٹالز کا دورہ کیا۔
نمائش میں پچاس سے زائد کمپنیوں نے سٹالز لگائے جس میں وائٹ بورڈ،پیپر،سٹیشنری ،ویلیو ایڈڈ مشینری سمیت دیگر مصنوعات ڈسپلے کی گئیں، کراچی سے آئے معروف بزنسمین سلیم میمن نے کہا کہ پیپر انڈسٹری کا مستقبل روشن ہے، ایگزیکٹیو کمیٹی ممبر لاہور چیمبر باؤ محمد بشیر نے کہا کہ ایکسپورٹ بڑھانے کیلئے ٹیکس ڈیوٹیز کم کرنے کی ضرورت ہے، منتظم نمائش معظم رشید نے کہا کہ آئندہ بین الاقوامی کمپنیوں کو بھی نمائش میں مدعو کیا جائے گا، ایکسپو سنٹر میں منعقدہ پاکستان پیپر اینڈ سٹیشنری نمائش اتوار کی شام تک جاری رہے گی۔