سٹی42: غازی روڈ اور ملحقہ علاقوں میں گزشتہ12 بجے سے بجلی کی بندش سے مقامی افراد شدید مشکلات کا شکار ہیں۔

اہل علاقہ نے متعدد بار لیسکو آفس جا کر بجلی کی بحالی کا مطالبہ کیا مگر کوئی جواب نہیں ملا۔

غازی روڈ کے رہائشیوں کا کہنا ہے کہ روزانہ کی بنیاد پر کئی گھنٹے بجلی کی بندش سے ان کی زندگی متاثر ہو رہی ہے اور وہ اس صورتحال سے بہت تنگ آ چکے ہیں۔ انہوں نے لیسکو حکام سے فوری طور پر بجلی بحال کرنے کا سخت مطالبہ کیا ہے۔