ویب ڈیسک: مرکزی بینک نے عیدالفطر اور یومِ پاکستان کے موقع پر بینکوں کی تعطیلات کا شیڈول جاری کر دیا، جس کے تحت ملک بھر میں بینک مخصوص دنوں میں بند رہیں گے۔

اعلامیہ کے مطابق عید اور یوم پاکستان پر سرکاری و نجی مالیاتی شعبہ 4 روز بند رہے گا، سٹیٹ بینک، سٹاک ایکسچینج، ایس ای سی پی، بینکس، مالیاتی اداروں میں چھٹی ہوگی۔

جمعہ، ہفتہ 20 اور 21 مارچ کو عیدالفطر کی چھٹیاں ہوں گی، اتوار کو ویکلی آف اور 23 مارچ یوم پاکستان کی چھٹی ہوگی۔

اعلامیہ میں کہا گیا کہ سٹیٹ بینک، بینکس، مالیاتی اداروں میں بھی 24 مارچ سے معمولات بحال ہو جائیں گے، سٹاک ایکسچینج میں منگل (24مارچ) سے کاروبار معمول کے مطابق ہوگا۔