سٹی 42:  سی ڈی اے اور ای او بی آئی سیاحت، تفریح، ہوٹل انڈسٹری اور دیگر شعبوں سے متعلق متعدد پراجیکٹس مشترکہ طور پر شروع کریں گے ۔

وفاقی وزیرداخلہ محسن نقوی کی زیر صدارت خصوصی اجلاس میں فیصلہ  ہوا ۔ وفاقی وزیر اوورسیز پاکستانیز سالک حسین نے  وڈیو لنک کے ذریعے اجلاس میں شرکت  کی ۔چئیرمین ای او بی آئی جاوید شیخ،  چیئرمین سی ڈی اے سہیل اشرف اور دونوں اداروں کے اعلی حکام بھی اجلاس میں شریک ہوئے ۔سی ڈی اے اور ای او بی آئی کو 15 روز میں مشترکہ منصوبوں کا حتمی پلان مرتب کرنے کا ٹاسک   دیا ۔

15 روز بعد وفاقی وزراء محسن نقوی اور سالک حسین کی زیر صدارت مشترکہ اجلاس ہو گا۔اجلاس میں دونوں وزراء اسلام آباد کے لئے سیاحت،  انٹریمنٹ ، ہوٹل انڈسٹری اور دیگر شعبوں کے مجوزہ پراجیکٹس کو حتمی شکل دیں گے ۔

وزیر اعظم کی حتمی منظوری کے بعد دونوں اداروں کے مشترکہ پراجیکٹس کو شروع کیا جائے گا۔