سٹی42: ماہ رمضان کے دوران شہر کی سکیورٹی اور عوامی تحفظ کو یقینی بنانے کیلئے لاہور پولیس نے اہم فیصلہ کیا ہے کہ دفاتر سے تمام افسران اور اہلکار بھی پٹرولنگ پر تعینات ہوں گے۔
پولیس حکام کے مطابق اب تمام ایس پیز، ڈی ایس پیز اور انسپکٹرز سڑکوں پر گشت کریں گے۔ گزشتہ ادوار میں یہ ذمہ داری صرف آپریشنز ونگ کی نفری سرانجام دیتی تھی لیکن سکیورٹی خدشات کے پیش نظر اب اینٹی رائٹ اور انویسٹی گیشن افسران کو بھی پٹرولنگ پر تعینات کیا جائے گا۔
لاہور پولیس کی 11 ہزار سے زائد نفری سکیورٹی ڈیوٹی پر تعینات کی گئی ہے۔