ویب ڈیسک:فیڈرل بورڈ آف ریونیو ( ایف بی آر) نے کرپشن اور فرائض سے غفلت برتنے پر ملازمین کے خلاف کارروائی کا فیصلہ کیا ہے۔
ایف بی آر کے کی جانب سےجاری نوٹیفکیشن کے مطابق ملازمین سے متعلق تحقیقات 60 دنوں میں مکمل کی جائیں گی، فیلڈ آفس کے سربراہ تحقیقاتی ٹیم کوکیس سے متعلق ریکارڈ فراہم کرنےکے ذمہ دارہوں گے جب کہ انکوائری آرڈرکے بعد متعلقہ فیلڈ آفسز تحقیقاتی ٹیم کو 7 دنوں میں ریکارڈ فراہم کریں گے۔
کرپشن میں ملوث افسران کو شوکاز نوٹس جاری ہونے کے بعد تحقیقات کی جائیں گی۔دوسری جانب ایف بی آرمیں اہم سطح پر تقرر اور تبادلے بھی کیے گئے ہیں جس میں گریڈ 19 اور 20 کے افسران کی اکھاڑپچھاڑ کی گئی ہے۔