سٹی42: محکمہ بلدیات نے لاہور شہر سمیت صوبہ بھر کے لئے سات ارب روپے کی بند سکیموں کا فعال کرنے کی تجویز محکمہ پی اینڈ ڈی کو ارسال کردی ہے۔
تفصیلات کے مطابق محکمہ بلدیات نے لاہور شہر کی دوبند سکیموں کوفعال کرنے کافیصلہ کیا ہے، واٹر سپلائی سکیم جو اس وقت خراب پڑی ہے، اسے ٹھیک کرنے اور چلانے کیلئے محکمہ پی اینڈ ڈی سے تین ارب روپے مانگ لئے گئے ہیں۔
ان واٹر سپلائی سکیموں کو فوری طور پرفعال کرنے کا فیصلہ بھی کیا گیا ہے، منصوبے میں لاہور شہر کی بھی سکیمیں شامل ہیں، محکمہ بلدیات نے سیوریج کی رکی ہوئی سکیموں کو بھی بحال کرنے کا فیصلہ کیا ہے اور اس سلسلہ میں اگلے مالی سال کے بجٹ سے تین ارب روپے مانگ لئے ہیں،
محکمہ بلدیات نے دیہی ترقی کے صفائی کے پروگرام کیلئے ایک ارب روپے مانگے ہیں، یہ تمام فنڈزآئندہ مالی سال کے بجٹ میں رکھےجائیں گے۔