(ویب ڈیسک) اگلے برس کرن جوہر کی بڑی بجٹ کی فلم میں سیف علی خان کے بیٹے، ابراہیم علی خان مرکزی کردار ادا کریں گے۔
بالی ووڈ رپورٹس کے مطابق چھوٹے نواب سیف علی خان کے بیٹے ابراہیم علی خان کو بالی ووڈ میں لانچ کیے جانے کی تیاری مکمل کرلی گئی ہے۔
ابراہیم علی خان اس وقت کرن جوہر کی نئی آنے والی فلم راکی اور رانی کی پریم کہانی میں بطور اسسٹنٹ ڈائریکٹر فرائض انجام دے رہے ہیں ۔ فلم میں رنویر سنگھ اور عالیہ بھٹ مرکزی کردار ادا کریں گی۔
بھارتی اخبار ٹائمز آف انڈیا کے مطابق کرن جوہر بھارتی فوجیوں کی زندگی پر ایک فلم بنانے کی تیاریاں کررہے ہیں جس کی ہدایت کاری کے فرائض بومن ایرانی کے بیٹے کیاوز ایرانی انجام دیں گے۔
فلم میں ابراہیم علی خان مرکزی کردار ادا کریں گے، یہ فلم 2023 کے آخر یا 2024 کے اوائل میں ریلیز کی جائے گی۔