ثمرہ فاطمہ: سال 2026 کا پہلا سورج گرہن آج ہوگا ,یہ اینولر سورج گرہن ہو گا, جسے عام طور پر “رِنگ آف فائر” کہا جاتا ہے۔

اس دوران چاند اپنے بیضوی مدار میں گردش کرتے ہوئے سورج کے عین سامنے آ جائے گا، تاہم وہ سورج کو مکمل طور پر ڈھانپ نہیں سکے گا۔

ماہرین کے مطابق گرہن کے وقت سورج کا بیرونی حصہ روشن اور سرخی مائل دائرے کی شکل میں نظر آئے گا، جس کے باعث اسے رنگ آف فائر کا نام دیا جاتا ہے۔ مکمل سورج گرہن کا منظر صرف انٹارکٹیکا میں دیکھا جا سکے گا جبکہ یہ گرہن پاکستان میں قابلِ مشاہدہ نہیں ہوگا۔

پاکستانی وقت کے مطابق سورج گرہن کا آغاز دوپہر 2 بج کر 56 منٹ پر ہوگا، یہ شام 5 بج کر 12 منٹ پر اپنے عروج پر پہنچے گا جبکہ رات 7 بج کر 28 منٹ پر اختتام پذیر ہوگا۔

ماہرین فلکیات نے خبردار کیا ہے کہ سورج گرہن کو براہِ راست آنکھ سے دیکھنا نقصان دہ ہو سکتا ہے، اس لیے خصوصی حفاظتی چشموں کا استعمال ضروری ہے۔