ویب ڈیسک : ابوظہبی میں دو روز میں کورونا اومیکرون ویرئنٹ کے 100 سے زیادہ ہونے پر نئے قوانین نافذ ۔ دبئی، شارجہ سمیت کسی بھی ریاست سے آنے والوں کی چیکنگ کے لئے فیشیل کوویڈ-19 اسکینر (Facial Covid Scanner) کا استعمال کیا جائے گا۔
کورونا وائرس کا نیا ویرینٹ اومیکرون تیزی سے دنیا میں پھیل رہا ہے جس کے بعد ابوظہبی نے متحدہ عرب امارات میں سفر کرنے کے لئے نئے قوانین جاری کیے ہیں۔ اس میں بتایا گیا ہے کہ یو اے ای کے دوسری ریاستوں سے ابوظہبی آنے والے لوگوں کے لئے یہ حکم ابوظہبی کے سبھی انٹری پوائنٹس پر 19 دسمبر سے لاگو ہوجائے گا۔
خلیج ٹائمزکے مطابق ابوظہبی ایمرجنسی، بحران اور آفات کمیٹی نے فیصلہ کیا ہے کہ اتوار سے ای ڈی آئی اسکینر کا استعمال دارالحکومت کے سبھی انٹری پوائنٹس پر کریں گے۔ یہ حکم صرف اُنہی لوگوں پر لاگو ہوگا، جو یو اے ای کے اندر واقع دوسری ریاستوں سے ابوظہبی میں انٹری کررہے ہوں گے۔
Abu Dhabi Emergency, Crisis and Disasters Committee has updated the procedure to enter the emirate from within the UAE and approved the use of EDE scanners at entry points. pic.twitter.com/6cRyvfS292
— مكتب أبوظبي الإعلامي (@admediaoffice) December 15, 2021
ابوظہبی کے ای ڈی ای ریسرچ انسٹی ٹیوٹ کی جانب سے تیار کیے گئے اس اسکینر کی مدد سے کوویڈ -19 کے مریضوں کو پکڑنے کا دعویٰ کیا گیا ہے۔ انسٹی ٹیوٹ کا دعویٰ ہے کہ اسکیننگ سسٹم تکنیک سے برقی مقناطیسی لہروں کو جانچ کر کوویڈ-19 کا پتہ لگایا جاسکتا ہے۔
ابوظہبی کی سرکاری کمیٹی نے یہ بھی واضح کیا ہے کہ سبھی مشتبہ پازیٹیو کوویڈ کیسز کو ایک سائٹ پر ٹیسٹ کے لئے بھیجا جائے گا۔ وہاں ان لوگوں کا مفت اینٹیجن ٹیسٹ کیا جائے گا۔ ان لوگوں کو کورونا وائرس ٹسٹ کے رزلٹ 20 منٹ کے اندر دے دئیے جائیں گے۔