وقاص احمد: لاہور کے علاقے بادامی باغ کے قریب ایک افسوسناک واقعہ پیش آیا جہاں معمولی جھگڑے پر  محلے داروں کے درمیان چھریاں چل گئیں ہیں ۔

ذرائع کے مطابق خطرناک وار کے نتیجے میں 3 افراد زخمی ہو گئے  ہیں جبکہ انہیں میو ہسپتال منتقل کر دیا گیا ہے۔

تفصیلات کے مطابق  زخمی ہونے والوں میں 37 سالہ وحید، 21 سالہ حسین اور اس کا بھائی حسن شامل ہیں۔

 پولیس کے مطابق واقعہ محلے داروں کے درمیان لڑائی کے باعث پیش آیا جبکہ ملزمان موقع سے فرار ہو گئے ہیں اور ان کی گرفتاری کے لیے کارروائی جاری ہے، مزید تحقیقات بھی کی جا رہی ہیں۔