سٹی 42 : انٹربینک کے بعد اوپن مارکیٹ میں بھی ڈالر مہنگا ہوگیا ۔ 

سٹیٹ بینک کے مطابق انٹربینک میں امریکی ڈالر 16 پیسے مہنگا ہوگیا ، انٹربینک میں ڈالر 280.46 روپے سے بڑھ کر 280.62 روپے پر بند ہوا . 

ماہرین کا کہنا ہے کہ درآمدی بل کی طلب پر روپے پر پریشر دیکھا گیا ۔

اوپن مارکیٹ میں امریکی ڈالر8 پیسے مہنگا ہوکر 282.17 روپے پرآگیا ۔ اوپن مارکیٹ میں یورو 28 پیسے مہنگاہوکر 320.71  روپے، یو اے ای درہم 3 پیسے بڑھ کر 77.01 روپے، جبکہ برطانوی پاؤنڈ 56 پیسے کمی سے 373.50 روپے  پر آگیا ۔ اس کے علاوہ اوپن مارکیٹ میں سعودی ریال 75.17 روپے پر برقرار رہا ۔