( ویب ڈیسک )حیدرآباد میں ریلیف کیمپس میں بیماریاں پھیلنے کا سلسلہ جاری ہے ، گزشتہ 24 گھنٹوں میں ڈائریا کے 124 ، جلدی امراض کے 126 کیسز رپورٹ ہوئے اسکے علاوہ دیگر امراض میں کتنا اضافہ ہوا۔
حیدرآباد ضلع میں قائم ریلیف کیمپس میں مختلف امراض رپورٹ ہونے کا سلسلہ جاری،محکمہ صحت کے مطابق گزشتہ چوبیس گھنٹوں میں 124 افراد ریلیف کیمپس میں ڈائریا کا شکار ہوئے ، 126 سیلاب متاثرین ریلیف کیمپس میں جلدی امراض کا شکار ہوئے ، آنکھوں کے انفیکشن کے 126 کیسز رپورٹ ہوئے ،ملیریا کے مشتبہ 74 اور تصدیق شدہ دو کیسز رپورٹ ہوئے۔
193 افراد کو سانس کی تکلیف کے انفیکشن کی شکایت ہوئی ، 192 افراد دیگر مختلف امراض کا شکار ہوئے ، گزشتہ 24 گھنٹوں میں 526 افراد کو میڈیکل سہولیات دی گئیں۔