( اقصیٰ شاہد،طیب سیف  )تکنیکی اور آپریشنل وجوہات کے باعث ایئر ٹریفک کو بریک لگ گئی اورفلائٹ آپریشن متاثرہونے کے نتیجے میں متعدد پروازیں منسوخ ہوگئیں۔
منسوخ ہونےوالی پروازوں میں کراچی سے اسلام آباد جانے والی ایئرسیال کی پرواز پی ایف 123اورکراچی سے لاہورجانےوالی ایئرسیال کی پرواز پی ایف 145،143شامل ہیں۔
کراچی سے اسلام آبادجانےوالی ایئربلیو کی پرواز پی اے 200اورکراچی سے اسلام آبادجانےوالی پی آئی اے کی پرواز پی کے 370  بھی منسوخ ہونے والی پروازوں میں شامل ہیں۔
کراچی سے لاہورجانےوالی پی آئی اے کی پرواز پی کے 302  بھی منسوخ ہوگئی ہے۔
خراب موسم اور تکنیکی وجوہات کے باعث اسلام آباد سے بھی مختلف اطراف جانے والی پروازیں منسوخ اور کچھ تاخیر کا شکار ہوئی ہیں۔
فلائی جناح کی اسلام آباد سے کوئٹہ جانے والی پرواز تاخیر کا شکارہوئی ہے جبکہ قومی ائیرلائن کی گلگت جانے والی پرواز منسوخ کر دی گئی ہے۔
قومی ایئرلائن کی پی کے 301 کراچی جانے والی پروازدو گھنٹے سے زائد تاخیر کا شکارہے،اس نے کراچی کے لیے صبح دس بجے روانہ ہونا تھا،قومی ایئرلائن کی پی کے 181 شارجہ جانے والی پرواز بھی تاخیر کا شکار ہے جس نےدن 11:30 پر شارجہ کے لیے روانہ ہونا تھا۔

قومی ائیرلائن کی ٹورنٹو جانے والی پرواز بھی گھنٹوں تاخیر کا شکارہے،ٹورنٹو جانے والی پی کے 781 نے دن دو بجے اسلام آباد سے پرواز بھرنا تھی،فلائٹ آپریشن متاثر ہونے سے قومی ائیر لائن کی رات آٹھ بجے کراچی جانے والی پرواز بھی تاخیر کا شکار ہو گئی ہے۔