ویب ڈیسک: پاکستان کے دورے پرموجود ویسٹ انڈیز کرکٹ ٹیم کے مزید کھلاڑیوں کی کرونا وائرس کی رپورٹ مثبت آگئی ہے جس کے بعد ٹور کے جاری رہنے پر خدشات پیدا ہوگئے ہیں۔
غیرملکی خبرایجنسی کی رپورٹ کے مطابق کرکٹ ویسٹ انڈیز نے تصدیق کی ہے کہ شائی ہوپ،عقیل حسین اور جسٹن گریوز کی رپورٹ مثبت آئی ہے۔ان کے علاوہ اسسٹنٹ کوچ روڈی اسٹوک اور ٹیم کو ڈاکٹر آکشائی مان سنگھ کی رپورٹ بھی مثبت آئی ہے۔ ٹیم کے یہ تینوں کھلاڑی آخری ٹی 20 میچ اور تینوں ون ڈے میچوں کے لیے دستیاب نہیں ہونگے۔
The remainder of West Indies' tour of Pakistan is in doubt after five more members of the touring party tested positive for Covid-19 #PAKvWI
— ESPNcricinfo (@ESPNcricinfo) December 16, 2021
کرونا سے متاثرہ تمام کھلاڑی اور اسٹاف 10 روز کے لیے آئیسولیشن میں رہیں گے اور جب تک ان کی رپورٹ منفی نہیں آجاتیں وہ ٹیم کو جوائن نہیں کرسکیں گے۔ اس سے قبل ویسٹ انڈیز کے شیلڈن کوٹریل،روسٹن چیز اور کائل مائیر کی کرونا رپورٹ مثبت آئی تھی۔ ٹیم کے کھلاڑی ڈیون تھامس انگلی کی چوٹ کے باعث دورے سے پہلے ہی باہر ہوچکے ہیں.
جمعرات کو ويسٹ انڈیزکے بقیہ14رکنی اسکواڈاورآفیشلزکاریپڈکوویڈٹیسٹ دوبارہ کیاگیا۔ویسٹ انڈیزکےاسکواڈکی کرونا ریپڈ ٹیسٹ رپورٹ دوپہرتک متوقع ہے جس کے بعد دونوں بورڈز آج کے میچ اورون ڈےسیریزسےمتعلق فیصلہ کریں گے۔