بلال نیازی : ہائیرایجوکیشن کمیشن نے کمپوٹرسائنسزکا نیانصاب 2025جاری کردیا۔
شعبہ کمپیوٹر سائنس میں 14 سے زائد جدید شعبے شامل کر دیئے گی جس میں اے آئی، ڈیٹا سائنس، سائبر سیکیورٹی، روبوٹکس اور کوانٹم کمپیوٹنگ نمایاں ہیں,پروفیشنل سرٹیفکیشن کمپوننٹ بھی نصاب کا حصہ بنا دیا گیا ہے،ایسوسی ایٹ ڈگری اِن کمپیوٹنگ کو بھی مہارت پر مبنی کوالیفکیشن تسلیم کر لیا گیاہے۔

جامعات میں نیا نصاب ہی نافذ العمل ہو گا،یہ نصاب ماہرینِ تعلیم، صنعت اور سرکاری اداروں کے اشتراک سے تیار کیا گیاہے،اس میں طلبہ کے لیے فائنل ایئر پراجیکٹس اور فیلڈ ایکسپیرینس پر زوردیاگیاہے جو ایچ ای سی کی انڈرگریجویٹ ایجوکیشن پالیسی 2023 سے ہم آہنگ ہے۔
ہائرایجوکیشن کمیشن کے مطابق ڈیجیٹل پاکستان کے لیے انڈسٹری ریڈی گریجویٹس تیار کرنا ہمارامقصد ہے۔