سٹی 42 : پاکستان میڈیکل اینڈ ڈینٹل کونسل نے پرائیویٹ میڈیکل کالج کی فیکلٹی کی بغیراین او سی دوسرے کالج تبادلے کی اجازت دے دی۔
پرائیویٹ میڈیکل کالج کے فیکلٹی ممبر کو تبادلے کیلئے استعفے کی کاپی مہیا کرنا ہوگی، فیکلٹی ممبر کو نئے پرائیویٹ میڈیکل و ڈینٹل کالج کا آفر لیٹر اور بیان حلفی دینا ہوگا۔
واضح رہے کہ سابق پالیسی میں چھوڑے گئے پرائیویٹ میڈیکل و ڈینٹل کالج کا ای او سی لازم تھا۔
پی ایم ڈی سی کی فیکلٹی کے تبادلے کی نئی پالیسی جاری، اطلاق آئندہ سال سے ہوگا۔ سرکاری میڈیکل و ڈینٹل کالج میں تبادلے کیلئے این او سی کی شرط بدستور لاگو رہے گی۔ سرکاری میڈیکل و ڈینٹل کالج چھوڑنے پر این او سی کا حصول بدستور لازمی قرار دیا گیا ہے۔