مریم مظہر:بارش کے بعد شہر کی مختلف شاہراہوں اور نشیبی علاقوں میں بارشی پانی جمع ہونے سے شہریوں کو شدید مشکلات کا سامنا کرنا پڑ رہا ہے۔
سڑکوں پر پانی کھڑا ہونے کے باعث ٹریفک کی روانی متاثر ہوئی، جبکہ موٹر سائیکل سواروں اور پیدل چلنے والوں کو آمدورفت میں دشواری کا سامنا ہے۔
متعدد شاہراہیں اور گلیاں تالاب کا منظر پیش کرنے لگیں، جبکہ بروقت نکاسی آب نہ ہونے سے شہریوں کی مشکلات میں مزید اضافہ ہو گیا۔
شہریوں نے متعلقہ اداروں سے مطالبہ کیا ہے کہ بارشی پانی کی فوری نکاسی کو یقینی بنایا جائے تاکہ ٹریفک کی روانی بحال ہو اور عوام کو مزید پریشانی کا سامنا نہ کرنا پڑے۔