ویب ڈیسک :حکومت نے اعلان کیا ہے کہ پیٹرولیم مصنوعات کی موجودہ قیمتیں برقرار رکھی جائیں گی اور اس حوالے سے متعلقہ نوٹیفکیشن جاری کر دیا گیا ہے۔

وزیراعظم کی ہدایت پر پیٹرولیم ڈویژن کی جانب سے جاری کیے گئے نوٹیفکیشن کےمطابق پیٹرول کی فی لیٹر قیمت 321 روپے 17 پیسے پر برقرار رکھی گئی ہے۔
اسی طرح ہائی سپیڈ ڈیزل بھی 335 روپے 86 پیسے فی لیٹر کی موجودہ قیمت پر ہی فروخت کیا جائے گا۔

حکام کے مطابق عالمی منڈی میں قیمتوں کے رجحان اور ملکی معاشی صورتحال کو مدنظر رکھتے ہوئے پیٹرولیم مصنوعات کی قیمتیں برقرار رکھنے کا فیصلہ کیا گیا ہے۔