سعید احمد سعید : آسٹریلیا نے پی آئی اے کو پاکستان سے براہ راست پروازیں چلانے کرنے کی اجازت دے دی ۔ پہلی پرواز 22اپریل کو روانہ ہوگی۔
رپورٹ کے مطابق آسٹریلوی حکام نے پی آئی اے کو پاکستان سے براہ راست پروازیں چلانے کی اجازت دے دی ہے۔ پی آئی اے کا آسٹریلیا کے لیے براہ راست فضائی آپریشن 22 اپریل سے شروع ہونے کا امکان ہے۔
ترجمان پی آئی اے کا کہنا ہے کہ پی آئی اے کی ایک پرواز لاہور سے سڈنی کے لیے چلائی جائے گی جو بتدریج ہفتہ وار دو پروازوں تک بڑھائی جائے گی۔
آسٹریلوی ہائی کمشنر سے ملاقات کے بعد پی آئی اے کی جانب سے جاری کیے گئے اعلامیے کے مطابق سی ای او پی آئی اے ائیر مارشل ارشد ملک کی پاکستان میں آسٹریلوی ہائی کمشنر جواین فریڈریکسن سے ملاقات ہوئی۔ اس ملاقات میں پی آئی اے کی پاکستان سے براہ راست آسٹریلیا سروس شروع کرنے کے معاملات پر بات چیت ہوئی ہے۔